Kabanata 15 Under the Rain

Ninerbyos siya at agad na lumabas ng banyo. Nakasalubong niya si Lyca. “Ate, may tao po ba sa banyo?”

“Oo, si kuya Ethan. Sandali lang ha? Palabas na ‘yun,” aniya sa kapatid.

Lumabas ang amo sa banyo. Iniwas niya ang mga mata. Napansin niya ang pilyong ngiti sa labi nito. Bakit parang minamanyak siya nito na gusto naman niya? Ganoon ba talaga kapag hindi mahal? Katawan lang ang habol nito sa kanya. Eto na naman siya at nakakalimot na bayad nga pala siya nito, hindi lang ang serbisyo niya kundi pati ang kanyang katawan.

Nakipagkwentuhan pa saglit ang boss bago ito nagpaalam na uuwi na. Hinatid niya ito hanggang sa kotse. May inabot itong paper bag na maliit.

“Para sa’yo. Happy birthday.”

“Maraming salamat. Bakit naman napakadami mong regalo? Masyado ng nakakahiya sa’yo.”

“May kapalit ang lahat ng ibinibigay ko sa’yo.” Hinalikan siya nito sa noo.

Binuksan niya ang maliit na box at isang kwintas at hikaw ito na katerno ng kanyang singsing. Diamond din ba ito? Anyway, wala naman siyang pa