Kabanata 82 Deep Sorrow and Regret

Agad tinawagan ni Ethan ang isa sa miyembro ng security team nito upang magpasundo. Napansin niyang naging balisa ang asawa ng may kausapin sa telepono. Panay din ang linga nito sa paligid. Hindi din ito tumitigil sa pag-cha-chat.

Tulala naman siya dahil sa nangyari sa kanila. Bakit ba siya agad pumayag na may mangyari sa kanila? Walang pagsisisi ngunit nahiya siya kay Ethan.

“May problema ba? Bakit parang balisa ka?” tanong niya ng wala pa din itong kibo.

“Wala naman. Huwag kang mag-alala.” Kinuha nito ang kanyang kamay at dinala sa labi.

Nakarating na sila sa mansyon at napansin niyang naging doble ang bilang ng security guards nila. May banta ba ng panganib sa buhay ni Ethan? Kunsabagay, bilyonaryo ito at kagabi lang ay may balita sa telebisyon tungkol sa kidnapping ng isang negosyante. Natural lamang na mangamba ito.

Agad siyang pumasok sa kwarto upang maligo at ng makarga ang anak kapag nagising na ito. Isasara na niya ang pinto ng pinigil ito ni Ethan.

“Hanna, gusto kong sabihi