THE MENACING MAFIA PRINCESS C4

CLAUDIA AURORA...

Hindi n'ya alam kung paano nakarating sa bahay nila. Lutang na lutang pa rin s'ya dahil sa mga nangyari ngayong araw lalong-lalo na ang encounter n'ya sa lalaki.

Pagbaba n'ya sa sinasakyang taxi ay agad na nagsitakbohan ang kanilang mga taohan para salubongin s'ya. Nakahilera ang kanilang mga kasambahay sa gilid ng kan'yang dadaanan.

Ganito s'ya sa bahay ng mga magulang. Prinsesa na prinsesa samantalang sa labas ay dugyot ang awra n'ya.

"Bentornata a casa principessa," sabay-sabay na bati ng mga ito at yumukod habang naglalakad s'ya papasok.

"Grazie," seryoso at malamig na pasasalamat n'ya sa mga ito. Sa kanilang bahay ay bawal s'yang makipag mabutihan sa mga katulong o sa kahit na sino sa mga taohan nila.

Ang makikita ng ama n'ya na kinakaibigan n'ya sa mga taohan nila ay napaparusahan. Ang gusto ng kan'yang ama ay tanging mga mayayaman ang kakaibiganin n'ya para daw may silbi sa kanilang mga negosyo at may pakinabang ang kan'yang oras sa pakikipag-usap sa mga ito.