SPIN-OFF2 24

Chapter • Twenty Four

Naalimpungatan ako nang maramdaman ang bahagyang pag-uga ng kama. Tumaas ang parte nitong nasa tabi ko ngunit dahil sa matinding kirot na nararamdaman ko at sa mabigat kong mga talukap, hindi ko na nagawa pang tignan ang paligid ko.

Ilang araw akong walang sapat na tulog kaya ngayon lang ako nakakabawi. Hindi ko mapigilan ang pagkakatangay kong muli pabalik sa pagtulog.

Mayamaya'y nakarinig ako ng pagbagsak ng kung ano. Bigla akong napabangon dala ng gulat. Kaagad kong binalot ng kumot ang katawan ko saka ko tinungo ang pinanggalingan ng ingay. Kumunot ang noo ko nang makita si Jace na sapo-sapo ang kanyang dibdib. Mariing nakapikit ang kanyang mga matang tila may matinding sakit na dinaramdam. Bumaba ang tingin ko sa blower na nasa sahig na