KABANATA 40

"Goodluck, Miss Ayala. See you around," sarkastikong asar pa nito.

Madiing kumuyom ang kamao niya. Napakatuso nito!

Bitbit niya ang inis kahit noong makauwi. Tawang-tawa pa si Melia noong ikwento niya.

"Pati daw kasi siya kunin mo, Ma'am."

Umirap siya at napailing, "Asa siya. Doon siya kay Crizaa. Mga anak ko lang ang gusto ko."

"Pwede naman kayong mag co-parenting. Hindi naman kailangang itago ang mga anak niyo sa isa't isa, Lei."

"Paano nga iyon mangyayari kung tinatago niya ang kambal?" giit niya.

"Tinatago mo rin kasi ang Triplets niya, Lei. Naku, kapag nagsama kayo ulit, baka matuloy ang quintuplets ni Sir Hector." Sinabayan pa nito ng halakhak.

"Wala siyang alam sa triplets. At huwag niya akong susumbatan na tinago ko. Limang taon ang sinayang niya, wala siyang ginawa at nanatili pa sa bisig ni Crizaa. Tsaka, hindi na no! Ang dami na ng lima."

Ngumisi ito sa kanya, "Huwag magsalita ng tapos. Baka mamaya isang kalabit lang—"

"Miss Melia!" Pinanlakihan niya ito ng mga m