Kabanata 5

Chapter 5: Keifer Reicher

Ngumisi ito sa akin bago niya nilagay muli ang helmet sa ulo niya. Ang gwapo sana kung hindi lang mayabang. Agad niyang pinaharurot ang kanyang motor papasok sa isang gate.

Napatingin ako sa pinakataas na gate na may nakalagay na Mort Ville High. Napakaganda ng pagkakagawa sa gate at halata mong isa itong mamahaling eskwelahan. Bago ako tumalikod, naalala ko ang school na pinapasukan ni Zack.

Hindi ako nagkakamaling Mort Ville High 'yon. Mabilis akong pumunta sa gate para pumasok pero humarang sa'kin ang guard na may malaking tiyan at makapal ang bigote.

"ID please."

Umiling ako dito bilang sagot kaya naman kumunot ang kanyang noo. "No ID. No Entry" sabi niya sa akin habang tinuturo pa sa akin 'yung sign sa kanyang gilid. Makapagsalita na kaya?

"Kuya, papasukin n'yo na po ako. Kakausapin ko lang 'yung kapatid ko."

Agad naman itong nag-cross arms at lalo pang umiling-iling. "P'wede ka na umalis, nagkaklase na ang mga estudyante kaya huwag kang makigulo."

"Kuya guard, wazzupp? Agang-aga mainit na ulo n'yo. Chillax ka muna."

Napatingin ako sa lalaking may suot na kulay itim na sumbrero na nasa unahan ko. Napakunot naman ang noo ko sa mga pinagsasabi niya. Anong wazap at chilaks? Anong klaseng language 'yon?

Tinanggal niya ang sumbrero niya. Hindi ko maipagkakaila na may hitsura rin siya. Kulay brown ang kanyang buhok na ayos na ayos at kitang-kita mo ang pagka jolly sa personality niya. "Eh kasi itong babaeng nakatayo sa unahan natin, namimilit na pumasok kahit 'di naman taga dito sa eskwelahan."

Nakakunot naman ang noo niyang tumingin sa akin na para bang kilala niya ako. Medyo nilapit niya ang kan'yang mukha kaya naman napalayo ako dito.

"You know what? Parang namumukhaan talaga kita."

Namumukhaan? Pumupunta rin ba siyang Ordinary City at nagpapanggap? Hala! Baka malaman nila na taga doon ako. Tapos mababalita nina Dad. Agad ko namang tinakluban ang mukha ko gamit ang dalawang kamay ko.

"Kuya Guard! Pinsan ko 'yan. Ikaw naman! Papasukin mo na 'yan at mag-eenroll 'yan dito."

Mukha namang nakumbinsi 'yung guard kaya agad niya akong pinapasok. Napatingin naman ako sa lalaking tumulong sa akin na agad akong kinindatan.

"I'm Keifer Reicher. Keif nalang. Pero p'wede namang future husband."

Mabilis ko namang tinanggap ang kamay niya. Namamangha akong tumingin sa kanya. Isa ba siyang manghuhula? Paano niya nalamang kami ang magkakatuluyan?

"Paano mo nalamang tayo ang magkakatuluyan in the future?"

Napakunot naman ang noo niya na parang na weiweirduhan sa akin. Kinamot niya ang batok niya at napangiti nalang nang bahagya. "Hehe joke lang 'yon." Sinabayan niya ako sa paglalakad habang pinagmamasdan ko ang paligid ng school.

Ang ganda naman dito. Ang lawak ng field kung saan may sinisipa 'yung ibang estudyante na bola. Tapos 'yung iba naman ay may hawak na- kutsilyo?! Hinahagis nila 'yon sa isang board at kailangan nilang matamaan 'yung gitna. 'Yung kabila naman ay may hawak na baril. What? Baril?!

"Kanina pa tayong naglalakad pero hindi ka pa nagpapakilala sa akin. Hindi ko rin alam kung ano ba talaga sinadya mo dito." Mabilis naman akong tumigil sa paglalakad at hinarap siya.

"I'm Zaylee Jordin. Hinahanap ko 'yung kapatid ko."

Napatango naman si Keif at nginitian ako pero maya-maya pa ay nanlaki ang mata niya at binalikan ako ng tingin. "The fuck? Isa kang Jordin?!"

"Bro!"

Napatingin kami ni Keif sa may likuran ko at doon ko nakita si Zack na kinakawayan si Keif. Pinasadahan ako ng tingin nito na halatang nagtataka kung bakit ako nandito ngayon.

"Bro! Si Zaylee nga pala, pinsan ko."

Napatingin naman ako kay Keif dahil sa sinabi niya. Talagang pinanindigan niya na pinsan ko siya? Inabot ni Zack 'yung kamay niya sa akin kaya agad ko itong tinanggap. "Nicholas. So, pinsan mo pala si Keif?"

Dahan-dahan naman akong tumango dito habang nilalakihan siya ng mata. Nagulat na lamang ako nang hawakan ni Keif 'yung kamay ko.

"Bro! Kain lang kami ha!" Hinihingal ako dahil sa mabilis na pagtakbo namin ni Keif. Hindi ko malaman kung anong problema niya at para siyang natataranta. Napatigil kami sa isang malaking cafeteria.

Tiningnan ko ang paligid nito na may halong pagkamangha. Napakadaming pagkain ang pagpipilian at iilan lang ang estudyanteng bumibili dahil puro laptop at phones ang hawak nila.

Umupo na si Keif sa isang table na pang dalawahang tao. Mabilis naman akong umupo sa unahan niya at nakangiti ko lang siyang tiningnan habang siya ay nanlalaki ang mata at pawis na pawis.

"So, ikaw nga si Zaylee Jordin? Ang babaeng anak ni Ysidro Jordin?" bulong sa akin ni Keif kaya nanlaki ang mga mata ko dahil sa sinabi niya.

Paanong kilala niya ang ama ko?!

"Bakit mo kilala si Dad? At paano mo nalamang taga ordinary city ako? Please. Kahit anong mangyari, kahit kaibigan mo ang anak ng tita ng kapatid ng ama ko, 'wag mong sabihing pumunta ako sa Mort Ville."

"Wait, anak ng tita ng ano? Ahm nevermind. Don't worry, 'di ko sasabihin ang nalalaman ko. Ang pinagtataka ko lang ay bakit ka nandito? Ibig sabihin, 'yung kapatid na sinasabi mo, ay dito nag-aaral sa Mort Ville?"

Mukhang stress na stress na siya sa nalalaman niya at sumubsob nalang siya sa aming table. "Sa pagkaka-alam ko, kayong magkapatid ay kambal pero fraternal twins kayo kaya hindi kayo magkamukha."

"Hindi, wala dito ang kapatid ko. Palusot ko lang 'yon kanina. Nasa ordinary city ang kapatid ko."

Ayokong madamay si Zack sa kagagahan ko kaya pagtatakpan ko ulit siya. Alam kong maganda ang samahan ni Zack pati ni Keif kitang-kita ko palang kanina nung nagkita sila. Halata mong matalik na magkaibigan sila.

"Pero nagtataka ako, paano mo nalaman ang daluyan papunta sa Mort Ville? Kami lang na nasa High Section ang nakakaalam ng daluyan."

Napatungo ako. Paano nalang kung may masamang balak pala 'tong nasa harapan ko? Isa siya sa High Section ng Mort Ville High at wala akong ka-ideideya kung ano ba ang maaari nilang gawin. Naluluha ako dahil natatakot ako. Sa simpleng pagpapakilala ko, nalaman na niya agad.

Agad siyang naglabas ng itim na panyo at binigay niya ito sa akin. "Hindi na muna kita tatanungin. Promise, tayo lang ang makakaalam nito. Pahiran mo na 'yang luha mo. Feel free to go back dito sa Mort Ville. Pero I suggest, kung magpapakilala ka, palitan mo ang last name mo. Zaylee Reicher is better para akalain talaga nilang pinsan kita."

Napatango ako sa sinabi niya. Napakadami pang sikreto ang hindi ko pa nalalaman. Mabuti nalang ay nagawa kong pumunta dito sa Mort Ville para kahit papaano ay nalinawan ako sa mga bagay-bagay.

Gawa-gawa lang ng mga namamahala sa Ordinary City na ang Mort Ville ay puno ng krimen at kaharasan.

"Babalik ako dito. Madami pa akong kailangang malaman. Help me, Keif. Gusto kong mabuksan ang mata ko sa katotohanan."

Napangiti naman si Keifer sa sinabi ko. Ginulo-gulo niya ang buhok ko at nag-thumbs up sa akin. "Bumalik ka na sa pinanggalingan mo. Wala ka pang tulog. Pagbalik mo doon, ay paniguradong mga isa o dalawang oras lang ang tulog mo."

Mabuti nalang talaga at si Keif ang napagsabihan ko. Baka 'pag sa iba, sabihin niya ito sa lahat.

"Vrake!"

Napatingin ako sa lalaking may hawak ng tray. Siya 'yung lalaking mayabang na naka-motor kanina. Umupo ito sa tabihan ni Keif habang nakasimangot ito.

"Keif naman, bakit ka nagdala ng yaya dito?"

Agad namang binatukan ni Keif 'yung Vrake na mayabang na 'yon. "Ulol! Pinsan ko 'yan pre. Ganda talaga ng lahi namin 'no?"

Inirapan lamang ito ni Vrake. "Una na ako Keif. Thanks nga pala" nakangiti kong pagpapaalam dito. Kumaway pa sa akin si Keif para magpaalam pero 'yung katabi niya naman ay nagmemake face at ginagaya 'yung pagsasalita ko.

"Ene ne eke Keif. Thenks nge pele."

Bwiset! Hindi naman talaga akoganon magsalita! Ang sama niya sa'kin. Masyado siyang OA!