Chapter 12.

"This is," mahinang bulong ko habang nakatingin sa paligid. "A normal room," dugtong ko sa sarili.

Parang simpleng sala lamang ang bumungad sa akin wala akong makitang espesyal dito pero may nakita akong malaking picture frame na nakadikit sa dingding.

Isang buong maliit na pamilya. Mag-asawa na halatang marangya ang buhay at may batang lalaki at batang babae na nasa gitna nila. Kung titignan mabuti, tila kilala ko na sila.

Mga pamilyar na mukha ngunit kahit gaano ko kalikutin ang ala-ala ko, wala akong maalalang taong nakilala kong ganito ang itsura.

Medyo sumakit ang ulo ko sa kakaisip kung sino ba sila kaya umupo muna ako sa sofa. Halatang naaalagaan pa ang kwartong ito, sobrang linis. Ni walang alikabok sa paligid.

Naaalala ko pa ang sinabi ni Warren na hindi pa siya nakakapunta rito. May tinatago ba siya sa akin? Napayukom ako ng kamao habang iniisip na baka linoloko niya lang ako.

Naglibot pa ako at nakakita ng iba pang pictures.