Kabanata 7

ASHLEY POV

Napaatras ako ng maramdaman ko ang kamay nito na humahaplos sa aking pisngi. Napansin ko pa ang paglunok ng makailang ulit nito bago bahagyang lumayo sa akin. Agad ko naman kinuha dito ang iniabot niya kaninang paper bag.

"Do you hear me? Call me Ryder because I am your husband!" ulit nito. Napatanga naman ako bago pilit na ngumiti.

"Ehhh hindi naman po totoong asawa kita. Nagpakasal lang po ako sa inyo dahil sa offer ni Madam. Sorry po....hindi ko po magagawa ang gusto niyo..." sagot ko. Natigilan ito at matiim akong tinitigan. Pagkatapos ay ngumisi ito.

"Hindi ko alam kung nagpapa-hard to get ka ba o ano...Pero ito lang ang masasabi ko sa iyo. Kung hindi mo ako type lalong hindi kita type." wika nito at muling naupo sa sofa.

"Hmmmp hindi daw type pero kung makatitig sa akin akala mo kakainin ako ng buo." hindi ko maiwasan na bulong sa aking sarili habang nakatitig sa galit nitong mukha.

"Sir...mag-aayos na po ako para makaalis na tayo." wika ko dito sabay talikod. Nagpasalamat ako dahil hindi na ito muling nagsalita pa. Pagkapasok ko ay agad kong inilock ang pinto at wala sa sariling napahawak ako sa aking dibdib. Kumakabog iyun at parang nahihirapan akong humiga. Mukhang simula ngayung araw kailangan ko ng iwasan ang amo ko. Ayaw kong magising isang umaga na pag-aari na ako nito.

Kung bakit naman kasi napaka-gwapo ni Sir Ryder. Kung hindi lang sana ito babaero baka hahanga pa ako dito eh. Kaya lang tirador ito ng mga empleyado. Lalong lalo na ng mga secretary. Ipinilig ko ang aking ulo para pigilan ang aking sarili na mag-isip ng kung ano pa man.

Inisa-isa kong tingnan ang laman ng paper bag. Puro mga damit pambabae kaya agad akong namili ng isusuot ko. Halatang hindi pa naisusuot ang mga damit na ito at hindi ko alam kung bakit kailangan pa nitong mag-abala na bumili. Kung tutuusin wala naman na dapat siyang pakialam sa akin dahil empleyado lang naman ako ng kanyang kumpanya.

Oo, ikinasal nga kami noon pero hindi ibig sabihin asawa niya ako. Sa papel lang iyun at iniligtas ko lang siya sa kahihiyan kapalit ng ten million. Wala naman siguro akong utang na loob sa kanya diba? Oo nakapagtapos nga ako gamit ang perang iyun pero nakaligtas naman siya sa kahihiyan. Isa pa ang lola nito ang nag-alok sa akin tungkol sa bagay na iyun.

Pinilit kong iwaksi sa isip ko ang lahat. Agad akong pumasok ng banyo at naligo. Kung saan-saan lumilipad ang isip ko at muntik ko ng makalimutan na naghihintay pala sa akin ang masungit kong amo.

"Parang isinukat sa katawan ko ang mga damit na ibinigay sa akin kanina ni Sir Ryder. Buti na lang hindi required sa department amin ang magsuot ng uniform kaya walang problema. Lahat ng damit ay sukat ko na siyang ipinagpasalamat ko. At least hindi ko na kailangan pang mamroblema.

Pagkatapos kong mag-ayos ay agad akong lumabas ng kwarto. Agad na tumayo si Sir Ryder ng makita ako. Tinitigan pa ako nito bago naglakad patungo ng pinto. Agad akong napasunod sa kanya at tahimik kaming naglakad patungong elevator.

Tahimik lang naman kami buong byahe. Hindi na ito nagsasalita kaya inabala ko na lang ang aking sarili sa kakatingin sa labas ng sasakayan. Halos ten minutes lang naman ang itinagal namin sa kalsada at napansin ko na pumasok na kami sa compound ng RJ logistics. Tahimik pa rin si Sir Ryder at mukhang malalim ang kanyang iniisip.

"Baka namimiss niya ang kanyang secretary." hindi ko maiwasan na bulong sa aking sarili. Halos alas nwebe na ng umaga at tanggap ko na late na ako. Kung bakit naman kasi late na ako nagising. Hindi din naman ako ginising ni Sir Ryder.

Pagkababa ng kotse ay napapaisip pa ako kung sasabay ba ako kay Sir Ryder pagpasok sa loob ng building. Baka pagtitinginan na naman kami ng ibang empleyado at kung ano pa ang isipin.

"What are you doing? Wala ka bang balak na pumasok ngayun ng trabaho. Masama ba ang pakiramdam mo?" tanong nito sa akin. Natigilan naman ako at hilaw na napangiti.

"Pwede po bang mauna na kayo? Baka po kasi matsismis ako eh." wika ko dito. Lalong kumunot ang noo nito habang nakatitig sa akin.

"Anong matsismis? Bakit?" nagtataka nitong tanong. Hindi ko naman mapigilan na makagat ang aking labi habang nag-iisip. Obvious ba? Baka isipin ng mga tao na babae na din ako nito. Na baka isa na din ako sa kanyang mga sexmate......Hindi ko matangap iyun dahil nakataya ang dignidad ko doon. Isa pa virgin pa ako noh?

"Fuck! dont bite your lips..." narinig kong wika nito. Nagtataka naman akong napatingin dito at nagulat ako ng titig na titig ito sa akin habang kapansin-pansin ang kakaibang kislap ng mga mata.

Shit! Anong nangyari? Bakit mukhang pinagnanasahan ako ng CEO namin. Kitang kita ko kasi ang makailang ulit na paglunok nito at ang kakaiba nitong titig. Agad ko itong tinalikuran at nagpatiuna ng naglakad papasok ng building. Naramdaman ko naman ang pagsunod nito sa akin.

Katulad ng inaasahan, para kaming celebrity ng makapasok sa loob ng building. Lahat ng mga empleyado ay nakatingin sa amin habang sunod-sunod ang kanilang pagbati kay Sir Ryder. Kitang-kita ko ang inggit sa mata ng kababaihan at pagtataka habang pasulyap sulyap sa akin.

"Good Morning Sir" Sunod sunod na bati ng mga ito. Wala naman reaksiyon si Sir Ryder at diretso lang itong naglakad papunta sa elevator na nakalaan lang para sa kanya. Yes, exclusive for him lang dahil ng pindutin nya ito ay agad na bumukas. Samantalang ako naman ay diretso sa elevator para sa mga empleyado.

Pero mukhang pinaglalaruan ako ng Boss ko. Hindi ito pumasok sa loob ng elevator at mabilis ang hakbang na naglakad papunta sa akin. Kita ko ang pagkagulat sa lahat ng bigla ako nitong hawakan sa kamay at hinila papunta sa vip elevator na nakabukas na. Magpaprotesta sana ako kaya lang napansin ko na magkadikit na naman ang kilay nito kaya naman nagpatianod na lang ako. Hindi ko maintindihan. Talo pa ng nagme- menopause ang amo namin.

"Sir dapat hinayaan mo na lang ako na sumabay sa ibang empleyado. Baka laman na ako ng usapan ng lahat. Kahit Manila ito marami pa rin sigurong marites dito." wika ko. Kunot noo naman ako nitong tinitigan.

"What did you say? Marites?" tanong nito. Hindi ko mapigilan ang matawa.

"Marites hindi niya alam? Sabagay, wala sigurong marites sa lugar na tinitirhan ni Sir kasi puro mayayaman ang mga nakatira doon. Hayysst paano ko kaya ito iiwasan? Bakit ba dikit ito ng dikit sa akin?

"Sir sa third floor lang po ang office namin. Hihinto po ba ito doon. Super duper late na po ako at baka magalit na sa akin ang mga kasama ko." muli kong wika dito. HIndi ito umimik at nakatitig lang sa akin.

"Sir? Hello?" ulit ko at itinaas baba ko pa ang aking kamay sa harap nito. Para kasing naging tood na ito at walang kakurap-kurap na nakatitig sa akin. Naiilang tuloy ako.

"Alam mo bang gusto kitang halikan ngayun?" wika nito gamit sa garalgal na boses. Agad na nanlaki ang aking mga mata ng unti-unting bumaba ang mukha nito sa mukha ko. Muli kong naalala ang ginawa nito sa akin noong kasal namin five years ago. Ilang araw din namaga ang labi ko noon dahil sa ginawa nitong pagsipsip. Ayaw ko ng maulit iyun kaya agad akong umiwas at tumalikod dito.

Bahala siya sa buhay niya. Wala akong balak na muling magpasipsip dito noh? Kaya nga hindi ako tumatanggap ng manliligaw dahil na-trauma ako doon. May mga napapanood akong kissing scene sa mga teledrama noon kaya lang lang parang hindi ko keri na gawin sa akin ang bagay na iyun. Sa nasabi ko na na-trauma ako dahil talagang s******p nya ang labi ko five years ago.

Narinig ko ang marahan nitong pagbuntong hiniga sa likuran ko. Hindi na ko na ito nilingon pa hangang sa napansin ko na bumukas na ang elevator. Nandito na kami sa top floor..... Sa kanyang opisina. At malamang hindi ako pwedeng bumaba gamit ang elevator na ito dahil wala akong hawak na card. Yawa talaga!

"Eeeer Sir, Paano po ako bababa?" wika ko dito. Hindi ako pinansin at naglakad ito papunta sa kanyang office. Nadaanan pa namin ang kanyang secretary x sexmate na nakatingin sa amin. Narinig ko pang binati nito si Sir Ryder pero mukhang napilitan.... Labas sa ilong. Sinulyapan pa ako nito ng makailang beses.

"Tawagan mo si Anthon! Sabihin mo sa kanya na kailangan ko siya ngayun dito sa office." wika nito sa kanyang secretary habang diretso lang ang titig. Agad naman tumango ang bruha at masama akong tinitigan pagkatapos ay inirapan ako. Tinaasan ko lang ito ng kilay at sumunod na pagpasok kay Sir Ryder papuntang opisina. Tatanungin ko pa ito kung paano ako makababa. Pwede naman siguro mag-hagdan kaya lang hindi ko alam kung saan iyun. Isa pa bakit ako maghagdan kung may elevator naman?

"Maupo ka diyan! Malapit na mag-lunch at samahan mo akong kumain." wika nito. Agad na nanlaki ang aking mga mata? Tama ba iyung narinig ko?

"Po? Sir matagal pa po ang lunch time. Alas diyes pa lang po ng umaga. Late na po ako at kailangan ko ng bumaba sa aking department. Baka iisipin ng mga kasamahan ko absent ako ngayun. Baka isumbong nila ako sa HR." wika ko na hindi ko na maiwasan pa ang pagkainis sa boses ko. Tinitigan ako nito tsaka umiling.

"Hindi ka pwedeng bumaba. Dito ka lang sa loob ng office ko hanggat gusto ko. Isa pa ilang beses ko bang sinabi sa iyo na huwag mo akong tawagin na Sir. Asawa mo ako kaya dapat lang na tawagin mo ako sa una kong pangalan." seryoso nitong sagot. Wala sa sariling nagulo ko ang aking buhok dahil sa pagkayamot. Piste talaga! Bakit ang lakas ng saltik ng amo ko. Magresign na lang kaya ako?

"Eh Sir...." pag-aapila ko ulit pero pinukol ako ng masamang tingin. Natameme naman ako

"Isa pang Sir at gagahasain na kita!"yamot nitong wika. Agad na umurong ang aking dila at nanlalaki ang mga matang napatitig dito. Napayakap pa ako sa aking sarili dahil nakaramdam ako ng takot.

"Naku...huwag po! Hi-hindi na po kita tatawaging Sir...Pero...pero ikaw ang bahala magpaliwanag sa mga nakakarinig ha? Baka kasi isipin ng iba 'ano' mo ako." sagot ko.

"Anong "ANO"? tanong nito. Wala ng marami pang paliwanag. Manahimik ka muna dyan dahil magtatrabaho ako. Pwede kang magtempla ng kape kung gusto mo." wika nito at itinoon na ang attention sa computer.

Tumingin naman ako sa labas ng opisina nito. Salamin ang buong paligid kaya kitang kita kung nagpi-piteks ba ang kanyang secretary sa labas. Seksi naman ang malandi pero mukhang sexmate lang talaga ito ng CEO. 'Sir' din kasi ang tawag niya kanina kay Ryder eh.

And speaking sa pagtawag ng 'Sir' dito....No big deal sa akin iyun. Mabilis lang naman bigkasin ang first name nito kaya pagbigyan ko na. Kaysa naman magahasa ako diba? Mukhang 'dako' pa naman ito.

"Sir...I mean Ryder gusto mo ng kape? Ipagtempla na din kita!" basag ko sa katahimikan dito sa loob ng opisina.. Iniangat naman nito ang paningin patungo sa akin at agad kong napansin ang tipid na ngiti sa labi nito......

Wait lang ngiti ba iyun? Aba for the first time..ngumiti ang kumag. Mukhang sinapian ito ng kanyang guardian angel....kung meron man siya noon.

"Yes please......" sagot nito at kumindat pa. Wala tuloy sa sariling napatayo ako at diretsong lumabas ng opisina. Tatanungin ko na lang ang sexmate x secretary nito kung nasaan ang coffee area dito. Ayaw ko ng magtagal pa at baka ma-fall ako kay Ryder. Shocks! Ang cute nya kaya lalo na ng kinindatan ako. Parang gustong magwala ang puso ko.

Pagkalabas ko ng opisina ni Ryder ay agad kong nilapitan ang kanyang secreatry. HIndi ko alam ang kanyang pangalan pero mukhang masama ang tingin sa akin ng bruha. One hundred percent, nagseselos talaga ito eh!