16 : newspaper

**********

16

"Transferee ba sya?"

"Classmate ba natin yan?"

"Parang namumukhaan ko sya."

"Hindi ba sya iyong future wife ko?"

Lumingon ako sa paligid para lang makita ang halos mga estudyante na nakatingin sa akin. Napakunot ako ng noo. Dumaan lang ang sabado't linggo naging weird na sila sa paningin ko. Nagtutulakan sila para makuha ang atensyon ng iba, hindi nakatakas sa akin ang pagtaas ng kilay ng mga babae kapag napapadaan ako.

Umiling-iling ako. Hindi. Daydream lang ito. Hindi ganito ang treatment sa akin ng mga schoolmates ko.

Nagtuluy-tuloy ako sa Artemis Building habang tumitingin sa compact mirror na hawak. Wala naman akong dungis sa mukha. Nakakaloka talaga 'yung mga tingin nila sa akin.

"Ganda mo ‘te! Masaya ka ba?" sarkastikong tanong ni Kean na sumusunod sa akin habang lumulutang. "Para sa akin panget ka pa rin kahit two inches ang kapal ng make up mo."

Kahapon pa siya naiinis sa akin. Hindi daw niya ako mahanap. Wala naman daw akong sinabi kung saan ako pupunta. Like du