Chapter 35: Lost Memories

Owned By A Ruthless Billionaire Season Two

Chapter Thirty-five - Lost Memories

MABILIS ang pagtakbo ng magandang babae. Masaya siyang tumatakbo sa buhangin habang hinahabol siya ng taong mahal niya. Ang puting bistida ay bumabagay sa kaniyang balingkitang katawan at ang simoy ng hangin ay sumasabay sa pagsayaw ng kaniyang pagtawa.

“August!” halakhak niya nang nahabol siya ng lalaki.

“I caught you, my love…” saad naman ng lalaking nagngangalang August na ngayon ay buhat-buhat na ang magandang babae.

Masayang nagtatawanan ang dalawang magkasintahan sa tabing dagat. Silang dalawa lamang ang nasa isla at wala ng iba. Para bang malaya silang nagmamahalan at parang walang problema. Ang alon ng dagat at ang mga ibon na malayang lumilipad ay masarap pagmasdan. Para silang nasa paraiso at ang babae ay wala ng maihihiling pa.

“Mahal kita, August…” saad ng babae sa malambing niyang boses.

Napayakap ng mahigpit si August sa magandang dilag. Lumitaw ang matamis niyang ngiti at hinalikan nito ang