Book 3: Chapter 84-Pagkagising

Napabuntong hininga si Zion nang wala na ang mga magulang. Parang bigla siyang nakaramdam ng pagod. Umupo siya sa uluhan ng sofa na kinahigaan ng asawa at dahan-dahang inangat ang ulo nito upang iunan iyon sa mga hita niya. Mahimbing pa rin ang tulog nito at hindi manlang natinag sa paggalaw niya rito. Napangiti siya nang gumalaw ang labi nito at bahagyang nanulis. Pinigilan niya ang sarili na huwag dampian ng halik ang labi nitong tila nanunukso. Ipinikit na lamang niya ang mga mata at pinahinga muna ang sarili.

Nagising si Alexa na parang ang alinsangan. Babangon na sana siya nang mapansin na nakaunan siya sa hita ng isang tao. Agad na nag angat siya ng tingin at tumambad sa paningin niya ang guwapong mukha ng asawa. Mukhang katutulog lang nito.

Dahan-dahan siyang bumangon at iginala ang tingin sa paligid. Hinanap niya ang mga beyanan ngunit wala siyang makitang ibang tao. Mukhang iniwan na siya. Napahawak siya sa pisngi niya nang may tumulo doon. "Bakit ako umiiyak?"

Napalabi si A