MAFIA 90

SA MADILIM NA PALIGID kung saan nakikipag-agawan na ang umaga sa gabi, ay naghahanda na si Dasha sa gagawin nilang pag-alis sa kampo ni Valdez kasama si Sebastian at Cavin. Hindi man aminin ni Bella ay kinakabahan siya para sa mga bata kahit alam niyang magiging matagumpay ang pagpapatakas nila sa mga ito, lalo pa at ang susundo sa mga ito ay sina Sean at Radcliff.

Maiiwan si Bella at Elijah sa kampo ni Valdez upang tapusin ang kanilang plano at matapos na at mapagbayaran nito lahat ng kasalanan na ginawa nito sa kanilang lahat.

"Mommy Bella, hindi po ba kayo sasama ni Daddy Elijah sa pag-alis po namin?" tanong ni Sebastian na ngiting ikinaluhod ni Bella sa harapan ng kaniyang anak at hinaplos ang pisngi nito.

"Kailan ko mag-stay pa dito anak, may kailangan pa kasing gawin ang mommy mo kaya kayo muna ng tito Cavin mo ang aalis. Naghihintay sa inyo si Uncle Sean at Uncle Radcliff mo sa inyo, basta tandaan mo ang ibinilin sayo ng Daddy mo." wika ni Bella na ikinatango ni Sebastian sa ka