Chapter 30

CHAPTER 30

Sabay-sabay silang nagpalakpakan nang hinipan ni Sevi ang birthday cake nito.

“Happy Birthday, Baby Sevi namin,” maligayang bati ni Amara Stephanie at pinagh ahalikan sa pisngi ang pamangkin.

Her little boy kissed her sister’s cheek back.

“Malaki na ang baby namin na ‘yan.”

Sinaway niya ang dalawa nang magharutan ang mga ito sa gitna ng mga batang nagsisimula ng kumuha ng mga pagkain.

Niyaya siya ni Amara Stephanie para magpakuha ng picture. Malaki ang ngiti ng anak niya habang nakayakap ang magkabilang kamay nito sa kanilang dalawa ng kapatid.

“Ate, dito ka na talaga?” tanong sa kanya ni Teptep nang umupo sa tabi niya.

“Hindi ko pa alam, Tep. Maghahanap ulit siguro ako ng trabaho.”

“Nami-miss kita,” nguso nito at yumakap sa kanya. Parang bata pa rin ang kapatid niya kung maglambing sa kanya.

“Kumusta ang seminar sa Baguio? Nag-enjoy ka ba?”

Namula ang pisngi nito at tumango. Naningkit ang kanyang mga mata nang pasimple itong nag-iwas ng tingin.