Chapter 138 (Part 2)

CHAPTER 138 (PART 2)

“Pina-DNA test niyo po ang anak ko?” hindi makapaniwala niyang bulalas. “Na hindi ko po alam?!”

Sa halip na sagutin ay tinawag nito si Tanya para dalhin ang mga bata sa itaas.

Ngunit, pinigilan niya ang babae nang akmang susunod na ito.

“Ako na lang, Tanya.”

“We need to talk, Kaye,” galit nitong wika.

Hindi niya ito pinansin bagkus ay hinawakan niya ang kamay nina Dos. Seryosong tiningnan niya si Sevirious.

“Alam ko pong malaki ang utang na loob ko sa ‘yo at nagpapasalamat ako. Pero sana naman po sa mga ganitong bagay ay hindi niyo ako pinangungunahan.”

Ramdam niya ang tingin nito sa likuran niya nang tuluyan silang pumanhik ng mga bata sa hagdan. Bigla siyang nadismaya sa ginawa ng amo niya kahit wala siyang karapatan mag-inarte dahil katulong lang naman siya sa bahay na iyon.

Gagawin nito ang gustong gawin dahil nakikitira sila ni Reirey sa teritoryo nito.