Chapter 13: POSSESSIVE TEASER

Bumaba ang lalaki sa sasakyan matapos nitong huminto sa malaking mansion. Wala siyang alam kung anong pangalan ng lugar pero sa bungad pa lang, imbis na quadrangle o bakuran ng mansion ang makikita niya sa loob ng malaking gate malawak na swimming pool ang naroon.

Blue ang color motif na makikita niya sa paligid. Parang resort ito kung titingnan pero mansion ang nasa harapan. Sa gilid ng malawak na pool may mga poolside lounge, ngunit tahimik, patunay na wala pang mga tao dito.

Sa katahimikan ng paligid na iyon, mas lalong nagbibigay sa kaniya ng takot at nataranta nang buksan ni Ace ang pintuan ng sasakyan sa tabi niya. Inalis nito ang balabal na nakatali sa kaniya bagay na kahit papaano'y nagpapasalamat siya atleast may pag-asa siyang makawala.

"Behave ah," anito at sinamaan niya ito ng tingin.

Bumaba siya sa sasakyan at inikot agad ang mata sa paligid. Matataas ang pader, at kung iyon ang gagamitin niya para tumakas, mahihirapan siya. Kung sa gate naman, sarado na ito ngayon ka