8

DIEGO POV

NANG magising siya pakiwari'y binibiyak ang ulo niya sa sobrang sakit. Napakasama pala ang hang over ng mamahaling alak na iyon. Ramdam pa rin niya ang pag ikot ng sikmura niya kaya mabilis siya bumangon at nagtungo sa banyo.

Paluhod na yumuko siya sa inidoro at doon sumuka siya nang sumuka. Lahat na yata ng laman ng tiyan niya ay isinuka na niya. Hinang-hina na siya.

"You're so wasted, Asher."

Napaigtad siya sa gulat nang may magsalitang boses babae. Nanlaki ang mga mata niya nang makita ang isang babae nakahiga sa bathtub at halatang naliligo ito.

Tang'na! Nasaan ba ako? Bakit may babae rito sa condo ng kapatid niya?

Narinig pa niya na bumuntong hininga ang babae habang siya pilit niya inaalisa ang itsura ng magandang babae sa harapan niya.

"Nakakadiri ka. Ngayon lang kita nakita nagsuka ng ganyan at hanggang ngayon amoy na amoy ko pa rin ang suka mo!"

puno ng iritasyon sabi ng babae.

Lasing pa ba siya? hallucination ba ito? pamilyar kasi ang babae sa kaniya. Hawig nito an