Kabanata 50

Yna's POV

Umibis ako mula sa sariling kotse. Dala ang lunch box para sa asawa. Sana lang, hindi ako ang ma-sorpresa. Naalala ko pa noon ang ilang mga napapanood kong mga Romance movie. May kahalikan na ibang babae ang asawa ng bidang babae sa ganitong tagpo.

Subukan lang ng Tatiana na iyon na akitin ang aking asawa, titiyakin kong manghihiram ito ng mukha ng aswang.

Binati ako ng ilang mga security guard sa pagpasok ko pa lang sa entrance ng naturang building. Hindi nakaligtas sa aking paningin ang pagkagulat sa mukha ng ilang employees nang makita ako.

Well, sigurado akong hindi inaasahan ng mga ito ang aking pagdating. Hindi ko akalaing ganito pala kasarap kapag ni-respeto ka ng mga tao. Dati, pumapasok lang ako sa ilang mga maliliit na opisina para magbenta, minsan pinapautang ko pa. Pagdating ng sahod, saka ako maniningil.

Panay ang bati sa akin ng ilang mga employees. Tulad ng ugali meron si Farrah, as usual, dire-diretso lang ang aking lakad patungo sa kung saan naroon ang opis