Chapter 26

Nagbago na ako.

Hindi na ako ang dating si Tali na palaging hinihintay ang pagdating ni Rozzean, palaging nakaabang ng nakangiti kung may iuutos siya at palaging nakamasid kapag nariyan siya. Hinahayaan ko na, hindi na rin ako nagpiprisinta kapag may iniuutos siya kay manang.

"Tali, gawaan mo ako ng kape."

Ngayon ay kauuwi lang niya, naupo siya sa sala habang tinatanggal ang kaniyang kurbata. Nakita ko sa gilid ng aking mga mata na tiningnan niya ako pero ako ay yumuko lang at mabilis na tumalikod. Pagkatapos nang nangyari sa kusina dalawang araw na ang nakalipas ay talagang nagbago na ako sa kaniya.

Pati sa pagsasalita iba at hindi na rin ako palasagot sa kaniya. Minsan sa tuwing may iuutos at yuko at tango lamang ang sagot ko ay nakikita ko na tinititigan niya pa ako bago ako tumalikod. Ito naman ang gusto niya, eh, isang maid na gagawa ng mga trabaho sa bahay.

Nang matapos akong magtimpla ng kape ay naglakad ako papunta sa sala, ibinaba ko sa coffee table ang itinimpla ko sa kaniya