Kabanata 2.2

“May pasok kami kaya walang maiiwan dito.” Putol ko sa kaniya. 

“Hatid na kita.”

“May sasakyan ako.” 

“Bakit ba ang sungit mo na sakin? Hindi mo na ba ako mahal?” nakanguso pa niyang tanong. 

“A-Ang b-brutal mo na shaken ahh.” Daldal pa niya kahit na sinubuan ko na ang bunganga niya. 

“Grabe bilib talaga ako sa kasweetan niyong dalawa.” Sarkastiko at iiling iling pang saad ni Aira. 

“Kumain ka na ba Vance?” baling niya kay Vance na ngumunguya pa ng isinubo ko. 

“Pakain na ako.” seryoso niya ng sabi. 

“Tsss bagay talaga kayo, pareho kayong ang hirap timplahin ng mga mood.” Hindi ko na lang sila pinansin saka ako kumain. Tumayo na ako pagkatapos. 

“Hindi ba at delikado ang pagmotor motor niyong iyan? Huwag niyo ng gamitin yan hatid ko na lang kayo araw araw.” Daldal nanaman ni Vance habang nagsasapatos ako. 

“I appreciate your effort Vance pero huwag na ako ang kausapin mo tungkol sa bagay na iyan.” Sagot ni Aira. Tumayo na ako at kinuha ang bag at susi ko. 

“Myth.” Tawag ni Vance. 

“Vance hindi ko kailangan ok?” bumuntong hininga naman siya at yumuko saka tumingin ulit sa akin. 

“Lagi kang mag-iingat, hindi ka pwedeng magalusan kahit na konti lang kung hindi babatukan kita.” Banta pa niya sa akin. Tinanguhan ko na lang siya saka isinuot ang helmet ko. 

“Mag-iingat ka Myth.” Tinanguhan ko na lang ulit siya saka ko pinatakbo ang motor ko. Sa ngayon hindi ko kailangan ang mga awa niyo, suportahan niyo ako sapat na ako dun. Nakarating ako ng ACIS parking lot at dun ko na lang hinintay si Aira. 

“Wow friend napakabait mo talagang kaibigan. Iniwan mo ako dun! Hindi ka man lang maghintay. Napakacaring mo talaga.”sarkastiko niyang saad. 

“Nga pala nasobrahan ka ata sa sipag gumawa ng assignments mo kagabi pati assignments ko natapos mo eh.” Ngumiwi naman ako sa tono ng pananalita niya hindi mo alam kung nagpapasalamat ba o ikinatataka ang ginawa ko. Nauna na akong naglakad. Kita ko naman yung tatlo na naghihintay sa ilalim ng narra sa gilid ng field. Anong ginagawa ng mga ito?

“Ash! Aira!” sigaw ni bakla ng makita kaming papalapit. 

“Hi.” Masiglang bati ni Aira tinanguan ko na lang sila saka nagpatuloy sa paglalakad.

“Ang tahimik talaga ng ate nating Ash.” Pansin pa sa akin ni Jamin.

“Ganiyan talaga siya kaya intindihin niyo na lang.” Ngiwing saad pa ni Aira. Nagpatuloy kami sa paglalakad. Paakyat na sana kami sa taas ng magsalita si Freya. 

“Ang alam ko mga te schedule natin sa business law which is combine tayo with BSBA department sa iisang room.” Kaya imbis na sa taas kami dumiretso umiba na kami ng direksyon patungong room ni Miss Geline. 

KENT POV

“Good morning mom.” Masaya kong bati sa Mommy kong maganda. 

“Good morning son. How’s school?” hinalikan ko muna siya sa pisngi saka ako nagtuloy sa kusina. 

“Ok lang naman po—wow ang paborito ko.” Mabilis akong umupo at nanguhang pinggan at mangkok para sa sabaw hehe. 

“Hindi ka naman na ba nambubully?” muntik pa akong masamid sa tinanong ni Mommy. Hindi ko pinahalata sa kaniya ang pagkagulat ko sa tanong niya. 

“Hindi na po good boy na po hehe.” Pagsisinungaling ko sa kaniya. Bakit ko nga ba nakalimutan na nangako na pala ako sa kaniya na ititigil ko na. Ang tanga mo talaga Kent pero kasi nakakakulo ng dugo yung babaeng yun eh. 

“Good I’m happy for that.” nakangiting sambit ni Mommy. Binilisan ko na ang pagkain ko saka ako uminom ng tubig. 

“Oh tapos ka na nun?”

“Opo Mommy hehehe maaga kasi kami ngayon. Bye I love you.” Sigaw ko saka ako tumakbo patungong garahe at pinaandar na ang kotse ko. Peste naman oh wala naman sigurong magsusumbong gaya ng dati nalaman lang naman nila na nambubully ako dahil nahuli nila ako mismo hehe.

Nakarating ako ng school at sakto nakita ko si Chase. 

“Chase bro!” sigaw ko ng makita ko na siyang paalis ng parking lot.

“Hey.” Mabilis kong ipinark ang sasakyan ko saka ko kinuha ang bag ko at pinuntahan si Chase na naghihintay.

“Good morning pre.” Nakipag-apir pa ako sa kaniya. 

“Good morning.” Bati niya. 

“Si Ken at Gav nakita mo na?” tanong ko saka kami nagpatuloy sa paglalakad. 

“Nandito na raw sila eh.” Pumasok na kami sa nakaassign na room namin ngayon. Marami na rin pala ang nandito. 

“KYAAAAAHHHH ANG BANGO BANGO MO KENT.”

“ANO KAYA PABANGO NIYA PARA MABILI RIN HAHAHA.”

“DI MO KAKAYANIN TEH SA SOBRANG MAHAL.”

Napangiti na lang ako sa mga bulungan nila. Sanay naman na ako dahil simula noong high school pa lang ay ganiyan na sila. 

“ISANG SULYAP NAMAN JAN CHASE.”

“WAAAAAHHH ANG CUTE CUTE MO” 

Tiningnan ko si Chase pero nakapoker face lang siya. Tsss ganiyan talaga kapag taken na ang puso hahahaha. 

Umupo ako sa pinakagitna. 

“Hey bro.” Nakipag-apiran na lang ako kay Ken at Gav na katabi ko rin. 

“Daming estudyante ngayon.” Bulong ni Kendrick. Eh mukhang dalawang section na ito. 

“Good morning class.” Hindi na kami nag-ingay ng dumating na ang prof namin. Shet ang prof na terror. 

“You!” turo niya sa estudyanteng nasa harapan. 

“M-Ma’am?” kinakabahan niyang tanong. 

“What is meant by business law?!” malakas niyang sigaw. 

“Umagang umaga recitation.” Nilingon ko si Gav. Anong problema nito at nagreklamo? Nagreklamo ang genius kong kaibigan hahaha. Mukhang wala sa mood ang isang ito ah. 

“Ano? Hindi ka man lang ba nag-aaral sa bahay niyo!” muling sigaw niya nanaman kaya tumingin na ako sa harapan. Iiling iling na lang akong nakatingin sa kaniya. 

“P-Pasensya na po.”

“Anong pasensya? Gusto mo bang ilagay ko rin sa card mong pasensya?!”

“H-Hindi po m-ma’am.”

“Eh kung ganun mag-aral ka!—You! Stand up!” turo niya nanaman sa isang estudyante. 

“Same question!” dagdag niya. Tiningnan na lang namin silang dalawang parehong nakayuko. Haaayst ibang klase ka talaga ma’am.

Nagpangalumbaba na lang ako sa upuan ko at tumingin sa labas. Pumasok nanaman sa utak ko yung babaeng yun. Ano kayang problema nun? Kung makatingin kasi parang buhat niya ang buong mundo. Wala man lang kaemoemosyon ang mukha niya. Mas nakakabwisit! Hindi naman kagandahan, ang baduy pa manamit.

Like what the hell? Pants at loose shirt? Sinaunang babae ba yun at ganun kung manamit? Hindi naman sa gusto ko sa mga babae eh yung kulang sa tela kung manamit pero hindi naman yung ganun na wala man lang class.

“MR. LUXURIOUS ARE YOU WITH US?!!” halos malaglag pa ako sa upuan ko sa gulat ng sumigaw ng pagkalakas lakas si Miss. Tiningnan ko siya ng nagtatanong pero nilakihan niya lang ako ng mata. 

“Ano bang iniisip mo pre? Kanina ka pa tinatawag ni Miss nakatatlong tawag na siya sayo.” Saad ni Kendrick. 

“Stand up Mr. Luxurious!” sigaw niya sa akin kaya tumayo ako. 

“Answer my question, same question!”

“C-Can you r-repeat the question M-Miss?” kaba kong tanong.

“Ano bang nangyayari sa inyong mga estudyante ngayon! Kung hindi lutang walang alam!!” napayuko naman ako dahil sa hiya. 

“You!” turo niya sa bandang likod ko.

“Kung ilang kaklase mo ang nakatayo ganun din ang dami ng tanong! Kung hindi mo nasagot!! Drop kayong lahat!!” gulat akong napatingin kay Miss. Patay kaming lahat nito, kapag sinabi ni Miss gagawin niya talaga. Kaba akong tumingin sa likod ko at halos lumabas na ang eyeball ko dahil hindi kayo maniniwala sa nakikita ko!

Shit! Si baduy girl! Tiningnan ko siya at parang walang kagana ganang tumayo! Mukhang hindi lang natatakot kay Miss. Anong ginagawa niya dito?!