Kabanata 14.1

Nagpupuyos sa galit si Yulence Villagomeza. Galit na galit siya at hindi niya matanggap na naungusan na naman siya ng walanghiya na si Colton Mijares. At ang lalo na hindi niya matanggap ay kay Atasha pa siya nito naunahan.

Oo, inggit, ito ang nararamdaman niya kay Colton. Simula ng makuha ng ina niya si Celsius Mijares ay wala na silang tigil sa kakaplano na mag-ina kung paano isasabotahe ang pamamahala at posisyon ni Colton, ang nag-iisang tagapagmana.

Masuwerte si Colton na ipinanganak siya sa mayaman na pamilya. Hindi gaya niya na sa isang kahig at sa isang tuka. Kung ano-ano ang kailangan gawin ng kan’yang ina para lamang maabot ang karangyaan at kasaganaan na tinatamasa nila ngayon. Ito ang dahilan kung bakit gusto niya na angkinin ang lahat ng mayroon si Colton. Tama na ang matagal na panahon na nakaranas siya ng masagana na buhay.

Si Atasha Andres. Hindi talaga ang tipo ni Atasha ang nililigawan niya. Pero nang minsan na mahuli niya si Colton na nakatitig sa babae ay alam ni