Gilda Point of View
Nakatingin ako ‘kay Carmen habang nagkwekwento siya sa akin. Ikinukuwento niya sa akin ang babaeng kapatid ni Glen na kagabi pa nawawala.
Naglaba lamang daw ito sa may batis pero hindi na umuwi ng kanilang bahay.
Tanging mga labada na lamang daw ang kanilang nakita sa may batis.
Sobrang nag aalala si Carmen dahil kaklase niya ang kapatid ni Glen na si Kendra.
Hindi ko alam kung ano ba ang dapat kong sabihin sa kanya.
Sasabihin ko ba na napanaginipan ko ang babaeng tinutukoy niya? Pero paano kung sa akin mabali ang sisi nila.
Maniniwala ba sila na sa panaginip ko lamang nakita? Mas lalo niya kaming ididiin na kami ay mga kulto.
“Alam mo, pakiramdam ko nakuha na rin ng mga kulto si Kendra,” ani ni Carmen sa akin at hinawakan ang aking kamay. “Wala ka bang napapansin sa bahay niyo o sa mga kasama mo sa bahay.”
Napapansin? Ano ang mapapansin ko? Normal naman ang lahat.
Ang hindi lang normal ay umaalis si Lola Teresa.
At… at may itim na libro siya. Ang itim na librong tinutukoy ni Carmen.
Kulto si Lola Teresa pero hindi ko alam. Hindi pa confirm. Hindi ko naman alam kung ano ang itsura ng itim na libro na sinasabi niya. Malay ko ba kung ano iyon.
Tinapik ko ang kamay ni Carmen at hinawakan ko ang sarili kong kamay. HInagod ko ito pataas.
“W-wala naman,” ani k okay Carmen. “Normal naman ang mga kinikilos nila. Baka naman pinagbibintangan lang talaga ng mga taong inggit ang pamilya ko.”
Napakunot naman ang noo ni Carmen.
“Walang halong pagbibintang ang sinasabi ko sa iyo,” ani ni Carmen sa akin at muling kinuha ang aking kamay. “Ang lahat ng ikinuwento ko sa iyo ay totoo. Maaring hindi mo napapansin ngayon pero ano pa nga at mapapansin mo rin. Si Maria at ang iyong Lola Teresa ay mga taong mapanganib. Sila ay mga kulto.”
Biglang nanlabo ang aking mga mata habang nakatingin sa bibig niyang nagsasalita.
‘Hahaha! Maniwala ka sa kanya! Totoo ang kanyang sinasabi! May kapangyarihang itim ang Lola mo! Kuhanin mo ito!’
Nanlaki ang aking mga mata sa boses na bumulong sa akin.
Luminga linga ako sa paligid ngunit walang tao roon bukod sa amin ni Carmen.
Sino ka? Nasaan ka?! Magpakita ka?!
‘Totoo ang mga napanaginipan mo! Isumbong mo sa kanya upang mahuli na ang Lola at si Maria! Mamamatay tao ang pamilya mo! Kailangan mong tanggapin!’
Tinakpan ko ng aking dalawang kamay ang aking magkabilaang tainga.
Ano ito? Anong mga boses ito? Nababaliw na ba ako? Bakit naririnig ko uli ito?
Hinawakan ko ang aking sarili at sinakal ito. Lumabas ka riyan! Lumabas ka riyan!
Napaubo ako sa sakal na aking ginagawa.
“Gilda anong ginagawa mo?!” tanong sa akin ni Carmen at halata sa boses niya ang gulat. Tinatanggal niya ang kamay sa kaing leeg ngunit mas mariin ko pang sinakal ang aking sarili upang palabasin ang ano mang nasa loob ko.
Napasuka muli ako ngunit walang lumalabas sa aking bibig. Halos mawalan na ako ng ulirat sa diin ng aking sakal.
Pareho kaming nasaldak ni Carmen noong mawalan kaming dalawa ng balanse kakapigil niya sa akin.
“Ano ba, Gilda?!” ani niya sa akin. “Pinapatay mo ba ang sarili mo? May problema ka ba?”
Nalanghap ako ng hangin habang nakatingin kay Carmen. Tila nanghihina ako sa ginawa ko.
“Wala ka bang nakitang lumabas?” tanong ko kay Carmen at luminga linga sa paligid.
“A-anong lumabas? Anong sinasabi mo?” tanong ni Carmen sa akin.
“Yung kaibigan ko!” mariin kong sabi. “Kailangan na siyang lumabas! Mababaliw ako habang naririnig ang boses niya!!!!”
“Gilda? Sinong kaibigan ang tinutukoy mo?” tanong ni Carmen.
Luminga linga ako sa paligid.
“Gilda?! Sinong kaibigan ang tinutukoy mo?!” pag – uulit na tanong sa akin ni Carmen habang nakahawak sa aking magkabilang balikat.
Tinapik ko ang dalawa niyang kamay palayo sa akin.
Nagulat siya sa aking ginawa at kunot ang kanyang noon a nakatingin sa akin.
“Ayos ka lang ba?” tanong niya sa akin. “Sino ba ang kaibigan na tinutukoy mo na dapat lumabas?”
Napailing iling ako sa kanya.
“Hindi ko alam,” ani ko sa kanya. “Hindi ko alam!”
Carmen Point of View
Kunot ang aking noo na pinagmamasdan si Gilda. Anong nangyayari sa kanya? Tila isa siyang nababaliw na babae sa aking harap. Kung ano ano ang kanyang ginagawa at tila may hinahanap siya na kanyang kinatatakutan.
Nakapag – aalala ang kanyang kilos. Kilos ng hindi normal na tao. May bumabagabag ba sa kanyang isipan? Hindi naman siya ganyan noog nag uusap kami kanina. Bigla na lamang siyang nagbago.
Napansin ko rin na tila tumanda ang kanyang mukha. Tila mukha siyang pagod at tila dumami ang kanyang tigyawat sa mukha.
Stress ba siya? Nabanggit niya sa akin na hindi siya pinayagan ng kanyang Lola Teresa na mag – aral ng senior high school. Baka nga dahil doon kaya siya nagkakaganyan.
Kaawa awang Gilda. Naaawa ako para sa kanya. Sana naman ay tinitignan nila siya dahil kapamilya rin naman nila si Gilda.
“Kung may bumabagabag sa iyong isipan ay lapitan mo lamang ako,” ani ko kay Gilda. “Sabihan mo lamang ako okay? Narito lang ako para makinig sa iyo. Tutulungan kita!”
Napatingin siya sa akin.
“Sa susunod na lang uli tayo mag – usap, Carmen,” aniya sa akin na animo ay biglang nalumbay. “Hindi maganda ang pakiramdam ko ngayon.”
Bago pa ako makasagot ay tumalikod na siya sa akin at tumawid ng kalsada. Ano bang nangyayari roon.
Labis niya akong pinag aalala. Lalo na ngayon na may mga kultong gumagala. Nagsisimula nanaman silang mamatay ng mga tao upang kanilang gawing alay.
Malakas ang kutob ko na may kinalaman ang lola niya at si Maria sa mga kaguluhang nangyayari ngayon.
Lubos na nakakatakot.
Kamusta na kaya si Kendra? Nahanap na kaya siya ng kanyang kapatid na si Glen? Sana ay mali ang kutob ko. Kung bakit ba kasi kailangan gabi siyang maglaba. Alam niya namang mapanganib ang panahon ngayon.
Ano ba kasing napasok sa isipan ng babaeng iyon.
Tumalikod na rin ako upang bumalik sa aming bahay. Siguradong hinahanap na ako nila inay.
Third Person Point of View Gabi na ngunit nasa labas pa si Glen. Pagod na ang kanyang mukha at mababakas mo ang kalungkutan sa kanyang mga mata. Maghapon na niyang hinahanap ang kanyang nakababatang kapatid na si Kendra ngunit hanggang ngayon ay hindi nila ito makita. Sanib pwersa na sila ng mga pulis ngunit hanggang sa ngayon ay wala pa ring balita ang mga ito sa kanya. Ngunit kahit na ganoon ay hindi nawawalan ng pag – asa si Glen na mahahanap niya rin ang kanyang kapatid. Umaasa siya na ito ay buhay pa. Abot langit ang kanyang pagdadasal na sana ay makita pa ni Glen ang kanyang kapatid. Hindi niya mapapatawad ang kanyang sarili kapag may nangyaring masama rito. Kung sana
Third Person Point of View Kanina pa nakatingin si Gilda sa may salamin. Hind niya malaman kung paano niya tatanggalin ang boses na bumubulong sa kanyang isipan. Gusto niyang ibigti ang kanyang leeg o laslasin ang kanyang kamay. Sigurado siya na sa kanyang kamatayan ay hindi na siya masusundan nito. Ilang oras na siyang nakatingin sa salamin at pinagmamasdan ang sarili. Nakatulala lang siya roon habang binubulungan siya ng mahiwagang kakaibang boses. ‘Nais mo bang malaman ang katotohanan? Pwede mong tanungin sa salamin. Sasabihin niya sa iyo ang nais mong malaman. Tuturuan kita.’ “Sino ka ba? Bakit mo ako ginagambala?” tanong ni Gilda sa boses na ito.
Gilda Point of View “Anong ginagawa mo rito, Gilda? Namimiss mo ba ang iyong tatay?” tanong ni Maria sa akin. Saan niya kaya dinala si tatay Dan? Ang sabi niya sa akin ay dito niya inilibing ang bangkay ng aking ama ngunit wala ito sa kabaong na nasa ilalim ng lupa. Ang sabi sa akin ng boses na nakakausap ko ay nasa loob ng aming bahay. Literal ba? Pero bakit nasa loob ng bahay? Bakit nasa loob ng bahay ang isang patay?! “Kanina pa kita hinahanap. Naisip ko na dito ka pumunta,” ani ni Maria. 
Gilda Point of View Nalibot ko na ata ang buong bahay ay hindi ko pa rin makita ang bangkay ng aking ama. Saan kaya nila itinago iyon? Huwag mong sabihing nakabaon naman sa lupa kaya hindi ko makita. T-teka… Naalala ko… Sa… sa kwarto ni Maria. May masangsang na nangangamoy dati. Napailing iling ako. Hindi naman siguro niya gagawin iyon. Hindi naman siguro tama ang iniisip ko hindi ba? Walang dahilan para gawin niya iyon. Maghunos dili sya. Sinong matinong tao ang gagawin iyon. ‘Pero malay mo ay ta
Maria Point of View Lumabas ako ng CR pagkatapos kong maligo. Bumungad sa akin ang nakasimangot na mukha ni Teresa. Gusto niya ba akong mamatay sa gulat? “L-lola Teresa,” tawag ko sa kanya. “Narito ka nap ala. Akala ko ay bukas pa kayo uuwi.” “Kamusta ang anak ko?” tanong niya sa akin. “Nililinis mo bang mabuti ang kanyang bangkay?” “Opo, pinapangalagaan kong mabuti ang katawan ni Dan,” ani ko sa kanya. “Mabuti kung ganoon,” ani ni
Third Person Point of View Maaga pa lamang ay binabagtas na ni Gilda ang daan patungo sa babuyan ng kanyang Lola Teresa. Doon siya itinuro ng boses na kanyang naririnig. Inutos sa kanya na pumunta siya roon pagka’t may sopresang nag aantay sa kanya. Paniwalang paniwala si Gilda sa boses na kanyang naririnig. Pakiramdam niya ay iyon ang gagabay sa kanya at maglilitas sa mga masasamang tao sa kanilang bahay. Pinangakuan siya ng boses na ito na proprotektahan siya at iingatan. Basta lamang makikinig siya rito at gagawin niyang kaibigan. Sumang ayon si Gilda sa mga kasunduan nito dahil na rin napatunayan nito ang kanyang sarili sa kanya.&nbs
Gilda Point of View Daha dahan akong pumasok sa tahanan ni Lola Teresa. Maingat ang aking mga galaw. Sakto na sa pagdaan ng kusina ay napatigin sa akin si Maria. “Gising ka na pala,” aniya sa akin. “Bakit hindi ka bumaba kaninang umagahan? Kinakatok ko ang yong pinto ngunit hindi ka sumasagot?” Natuyo na ata ang lalamunan ko. Ang babaeng nasa harap ko ngayon. Isa siyang mamatay tao. Pero mabti at hindi niya alam na lumabas ako ng bahay. Hindi niya dapat ako mahalata dahil kung hindi ay malilintikan ako.
Gilda Point of View Tumingin ako sa aking orasan. Ganap na alas dose trenta ng umaga. Sigurado akong tulog na sila. Ngunit maghihintay muna ako ng ilang minuto para saktong ala una na ako aalis. Mas magandang sigurado. Mahirap nab aka mahuli nila ako. Ang bawat segundo, at minuto ay tila isang araw sa paghihinatay. Napakatagal. Akala mo walang baterya ang aking relo at hindi gumagalaw ang oras. Mas mabagal pa sa isang pagong ang takbo nito. Labis labis na ang aking kaba. Iniisip ko lamang ang pagtakas ay kinakabahan na ako. Balak ko sanang lumuwas na g maynila at doon manirahan. Bahala na kung anong buhay ang naghihintay sa akin doon. Mag – aapply ako ng trabaho. Kahit lansangan muna ako