xv. Dodgeball

Medyo malayo pa kami sa batis ngunit dinig na namin ang ingay ng mga pinsan ko. Mukhang nagkakatuwan nga sila roon habang naliligo, 'di ko tuloy maiwasang mainggit. Pambihira! Basta na lang nila akong iniwan sa mansion, kung hindi pa na huli si Kuya Peter 'di pa ako makakapunta dito. Ako pa naman ang tipo na tinatamad kapag na iiwan sa mga lakad ng grupo.

"May swimwear ka bang suot?" tanong ni Areum. Naibaling ko sa kanya ang atensyon at napangiwi nang ma-realize na nagpunta ako dito na hindi handa. "Ay! Ano ba 'yan ang KJ naman!"

"Kagigising ko lang, nawala sa isip ko ang magsuot ng swimwear. Ayos lang 'yan tayo lang naman, walang masama kung maligo ako ng shorts at shirt ang suot."

"Anong tayo! May bisita tayo, ano ka ba? Did you forget Wregan Leath? Naku!" Nanlaki ang mata ko nang maalala ang lalaki. Oo nga pala, kasama namin siya. Since kasama ng parents ko si Wred at kampanti akong okay lang ang anak ko, nawala na sa isip ko si Wregan.

"Hayaan mo na. Wala naman akong paki sa kanya