Kabanata 16

Biglang nataranta si Sarah sa tanong ni Maximus kaya humarang na siya sa harap ng mga bata.

“Pasensya na po kayo Sir pero sa tingin ko ay nakakaabala na kami at mukhang kanina ka pa rin hinihintay ng mga kausap mo.”

“Ninang,” saad ni Maxwell dahil alam nila kung anong sinusubukan ng Tita ninang nila. Hinawakan ni Sarah nang mahigpit ang kamay ni Maxwell para hindi na ito magsalita pa. Tumayo naman na si Maximus saka niya nilingon ang mga kameeting niya at nakatingin ang mga ito sa kaniya.

“Excuse me,” aniya at bumalik na sa mga kameeting niya. Naguguluhan namang tiningnan ng tatlo ang Tita ninang nila.

“Tita ninang—”

“Alam ko ang gusto niyo pero gusto niyo bang ilagay sa kapahamakan ang mommy niyo? Oo, hindi masamang malaman niyo ang daddy niyo pero kailangan niyo pa bang hilain dito ang mommy niyo? Alam niyo ba kung bakit hanggang ngayon ako pa lang ang nakakaalam na may mga anak na siya? Sikat ang mommy niyo at kahit anong article ang basahin niyo hindi niyo makikita ang mga pangala