Kabanata 101

Umagang-umaga ay abalang abala si Celeste sa mga paperworks niya dahil marami siyang naiwan na trabaho nang asikasuhin nila ni Maximus ang birthday party ng mga anak nila.

“Ito na po ma’am yung pinapakuha niyong mga papeles.” Wika ng secretary ni Celeste saka niya ibinaba ang mga papeles sa table ni Celeste. Akma na sana itong aalis nang magsalita si Celeste.

“May balita ka na ba kung nasaan si Hannah?” tanong niya.

“Ang alam ko po ay nakastay siya ngayon sa Novotel.” Sagot naman nito, napatango na lang si Celeste saka naman umalis ang secretary niya. Hindi napatunayan na accomplice ni Elloise ang anak niya sa lahat ng krimen na ginawa niya.

Inosente si Hannah sa lahat at kung may mga nagawa man siyang kasalanan iyun ay ang pag-angkin sa kompanya, pagpapanggap niya bilang siya, ang panggagaya niya ng mukha at ang pagpapalabas na kambal silang dalawa.

Gusto rin sanang ipakulong ni Celeste si Hannah pero ng mabalitaan niya ang naging sagutan nilang mag-ina sa loob ng kulungan hinayaan n