Side Story: 2nd EGO

AKI

“IZUMI-SENSEI, nandito po si Shimada-san. Nais ka daw po niya makita,” pagbibigay-alam sa akin ng sekretarya kong si Chihiro.

Kaagad ko namang tinigilan ang paglalaro sa aking silya at umayos ng upo sabay sinenyasan si Chihiro na papasukin si Kicchan. Tumango naman siya bilang pagsang-ayon at pagkatapos ay pumasok si Kicchan ng aking opisina, karga ang isang sanggol na nilagay niya sa isang baby carrier.

“Kiccha~n!” masaya kong bati sa kanya sabay yakap sana dito pero napatigil ako nang maalala kong may baby sa dibdib siya. “Napadalaw ka?”

“Aki, kagabi lang kita nakausap. Sinabi kong pupunta ako ngayon,” ani Kicchan na medyo may halong inis ang boses dahil nakalimutan ko na naman ang tungkol sa pagdalaw niya ngayon.

Parang engot naman akong napakamot sa aking batok bago tumawa ng pagak. “He he he. Pasensiya na.”

Napabuntong-hininga naman si Kicchan at pagkatapos ay tinanggal ang baby carrier bago maingat na kinuha ang baby niya mula rito tapos iniharap sa