Art of Destiny Xl

SA tingin mo kaya ay papayag si Jino sa pakiusap mo?"

Tinig iyon ni Kurt Steve mula sa kaniyang likuran. Nilingon naman ni Zieth Kate ang asawa na nakaharap sa isang mataas at kwadradong salamin.

Siya naman ay kasalakuyang inaayos ang susuutin ni Janzel na kasalukuyang nasa shower.

"Iyon din nga ang inaasahan ko na sana nga." Matamlay na sagot niya sa asawa. Matapos tupiin ang mga damit ng anak ay ang asawa naman niya ang hinarap niya.

"Para naman maging mabuti na akong asawa sa iyo at ina kay Janzel." Nakangiting pahayag niya habang inaayos ang kuwelyo ng asawa. "Alam mo naman na ito na talaga ang gusto ko noon pa. Isa pa, masyado na din akong stress sa trabaho. Nasisira ang poise ko." Dagdag pa niya na mapupungaw ang mga mata.

Isang pogi smile naman ang iginawad nito sa kaniya. "Kaya nga e, baka mamaya hindi na ako ganahan sa kama, hindi na masusundan si Janzel." Dagdag pa nito na sinundan ng pilyong ngiti.

Tinulungan niya itong magsara ng butones. Titig na titig ito sa kaniya n