Todos los capítulos de Workaholic Ako Noon, Prinsesa Na Ngayon!: Capítulo 1 - Capítulo 3

"Narito ka pala, Kamahalan! Gusto mo bang suriin ang isang ito? Malusog ang pangangatawan nito at sigurado akong masayang paglaruan!""Ito naman ang tingnan ninyo, Kamahalan! Payat lang siyang tingnan pero napakasensitibo ng balat niya na kapag pinisil ninyo ay sobrang lakas niyang sumigaw! Tiyak na matutuwa kayo kapag nakikita ninyong nahihirapan ito.""Ito ang piliin ninyo, Kamahalan! Dahil kahit ilang beses pa ninyong bugbugin ay hinding-hindi ito lalaban at magmamakaawa lang na patawarin ninyo kapag sobrang lakas na ng pagkakapalo ninyo. Sigurado akong matutuwa kang paglaruan ito at talagang mapupunan niyon ang kung ano man ang inyong hangarin."Malalim na ang gabi pero ang kasakiman at walang hanggang pagnanasa ay mararamdaman pa rin sa pamilihan ng mga alipin. Nag-unahan sa paglapit ang mga nagbebenta ng alipin at bakas sa kanilang mga mukha ang pananabik na makabenta sila.Alam ng lahat na ang Ikatlong Prinsesang ito na nasa C-level lamang na hindi gaanong matalino at may mahin

Hindi naman niya kailangang siya mismo ang gumawa nito, pero hindi rin siya naglakas-loob na ipagawa iyon sa iba dahil natatakot siyang kumalat ang mga tsismis.Lalo na kung makarating pa ito sa kanyang panganay na kapatid.Kahit na isang walang silbi na babae ang orihinal na Prinsesa Axhell, mahal na mahal naman siya ng kaniyang ama at napakatiyaga rin sa kaniya ng kaniyang ina. Samantala, naiiba naman ang kaniyang pangalawang kuya dahil isa itong artista. Bihira itong umuwi kaya minsan o dalawang beses lamang niya itong nakikita sa loob ng isang taon.Ang tanging dapat niyang katakutan ay ang kaniyang panganay na kuya na si Azilion. Mahigpit ito at napakaseryoso sa lahat ng bagay.Sampung taon ang tanda ni Azilion sa kaniya at isa na itong major general sa kanilang imperyo. Buong taon itong nakadestino sa rehiyon ng mga bituing nasa hangganan ng imperyo. Kapag paminsan-minsan itong umuuwi, napakahigpit ng paraan nito ng pagdidisiplina sa mga nakababatang miyembro ng pamilya— halos h