"TANDAAN mong mabuti, ha? Hindi dapat magkapalit-palit ang mga ibibigay mong regalo sa kanila."
"Bakit ba kasi hindi mo pa sinulatan ng pangalan?"
"Nakalimutan ko nga."
"Wala ka man lang ballpen."
"Bakit? Meron ka?"
"Wala rin," tugon ni Hardhie.
"Tandaan mo na lang sa kulay. Itong pula ay kay Lola Tasing. Itong asul kay Lolo Dan. Itong dilaw kay Papa Pablo. Itong itim kay Mama Alona. Itong huli ay kay Miko."
"Bahala na."
"Hindi puwedeng bahala na. Kailangan na makuha mo agad ang loob nila bago pa man dumating ang karibal mo."
"Wala ba sa loob si Amira?" tanong ni Hardhie nang nakatanaw sa tinapatan nilang malaking bahay.
"Nagpa-salon siya."
"Huhh! At talagang pinaghahandaan niya ang araw na ito! Pinaasa niya lang ba ako?"
"Haist! Huwag kang mag-isip ng ganyan. Always think positive."
"Nagbago na ba siya? Hindi na ba niya ako mahal?"
"Sinabi nang huwag kang mag-isip ng mga negatibo!" asik ni Yeonna. "Baka magdala pa iyan ng kamalasan."
Binitbit na ni Hardhie ang mga paper bag. "Hindi
