FREYA
“Stop looking at me with your gaping eyes Freya…”
Ano raw? Huwag ko raw siyang tingnan na—ewan. Basta itong si Alguien ay lagi na lang panggulo sa nararamdaman ko.
“H-ha?” tanong ko na lang kasi hindi ako sigurado kung tama ang pagkakaintindi ko sa sinabi niya. Kanina kasi sabi niya importante ako sa kaniya at umaasa ako na totoo nga iyon. Kinilig pa ako na baka naman… baka naman pwedeng mahalin niya talaga ako.
Pero lalong lumalim ang kunot sa noo niya habang nakatitig sa akin. Isang buntong-hininga ang pinakawalan ko, naguguluhan na talaga kasi ako sa bigla-biglang pagbabago ng nasa isip niya.
Gaya ngayon… Kanina galit kasi pinayagan ko si Sheena makabalik, may mga sinasabi pa na kung ano-ano, na ako raw pap*tay kay Sheena kapag gumawa ulit ng kalokohan. Tapos bigla naging iba naman ang tingin niya sa akin, parang… parang gusto niya akong… parang gusto niya akong halik—
Hindi ko na naituloy ang iniisip ko dahil ginawa na nga niya. Hinalikan na niya ako. Nagulat ako at
