MATAPOS NA KUMAIN ay sinunod ni Daviana ang bilin ni Rohi na lagyan niya ng ice ang kanyang mga mata nang sa ganun ay bahagyang humupa ang pamamaga. Habang nakahiga, nakapikit at ninanamnam ang malamig na yelo ay binalikan ni Daviana ang nangyari ng nagdaang gabi sa holiday home. Naisip niya na siguro nga talaga ay anghel na ipinadala sa lupa si Rohi upang palaging maging tagapagligtas niya dahil lagi itong sumusulpot kapag mapapahamak siya. Subalit napalis ang magandang ngiti niya sa kanyang labi nang maalala ang sinabi ni Warren na kaya lang daw nakikipaglapit sa kanya ang binata ay dahil nais nitong gumanti. As if naman may mapapala sa kanya noon si Rohi kung gagawin niya ang bagay na iyon. Tinutulungan pa nga siya nito. Palaging sinasalo sa oras ng mga kagipitan niya.
“Inggit lang siya dahil nakahanap ako ng bagong masasandalan ko.”
Natigil sa pagmumuni-muni ang dalaga nang marinig niyang may nagbukas ng pintuan matapos na tumunog iy0n.
“Anelie? Ikaw na ba iyan?” tanong niyang n
