HINDI NAGBIGAY NG anumang komento sa sinabing iyon ni Anelie si Daviana. Tama ang pananaw ng kaibigan. Unfair nga talaga ng pamilyang iyon kay Rohi. Sobrang unfair nila. Ganunpaman, ano naman ang magagawa nila doon? Wala.
“Tama na ang dada, matulog na tayo Anelie. Masyado ka ng nanghihimasok sa buhay ng ibang tao!”
Inaya niya ang kaibigang matulog pero dilat naman siya buong magdamag. Iniisip niya ang halikan nilang dalawa ni Rohi. Inokupa ng pangyayaring iyon ang malaking bahagi ng kanyang isipan. Pabiling-biling siya sa higaan. Habang dilat ang mga matang nakahiga sa kama, naisip niya kung ano ang ginagawa ni Rohi ng sandaling iyon? Iniisip din kaya niya ang halikang naganap sa pagitan nila? Malamang ay hindi. Balewala lang naman iyon sa binata. Sanay rin ang binata dito kaya imposible na dadamdamin nito ang nangyari sa kanilang pagitan.
Tama ba si Warren na paghihiganti lang ang pakay nito?
Kung pipiliin niyang makasama si Rohi, panigurado na handa siyang indahin ang napakaraming
