NARAMDAMAN NA NI Daviana ang mabilis at malakas na pagtibok ng kanyang puso. Hindi lang iyon para na iyong binuhat sa ere at walang pakundangan na binitawan sa lupa upang ibagsak. Ibinuka niya ang bibig, ngunit walang anumang boses na lumabas ng pangangatwiran sa matanda kahit pa mahina. Makahulugan na ang mga tingin na binibigay nito sa kanya, lalo pa siyang na-guilty at nahiya sa kanya.
“Alam ko na naging mahirap ang buhay ni Rohi, ngunit may mga patakaran para sa lahat ng bagay hija. Babae ka at naniniwala akong mas mahalaga sa’yo ang reputasyon at pangalan mo. Sana naiintindihan mo ang ibig kong sabihin. Huwag mong hayaang mas lumalim pa ang hidwaan ng magkapatid dahil sa'yo.”
Nakaramdam pa ng hiya si Daviana at the same time ay matinding inis. Isa pa itong diktador sa buhay niya. Ano namang pakialam nito sa mga ginagawa niya? Alam niyang concern ito sa reputasyon, pero sa kanya naman iyon. Kung sakali lang, pangalan niya ang magkakaroon ng mantsa at palalabasing mas masama.
“S
