"NGAYON NA alam na natin ang totoo, mas kailangan mong mag-ingat, Naomi dahil gagawin lahat ni Levie para mawala ka sa landas nila," nababahalang ani Martin habang nakatingin sa kaniya.
"Tama si Martin, Naomi kailangan mong mag-ingat dahil sa banta ni Levie at Rovert sa buhay mo. Alam nating pareho na hindi ito nagbibiro, kayang gawin ni Levie ang sinasabi niya," segunda naman ni Luna na nag-aalala para sa kaniya.
"Kilala ko si Rovert, Naomi maimpluwensiya siyang tao, maraming koneksyon dahil sa negosyo at sa yaman nito."
Sinalakay siya ng matinding takot at kaba dahil sa mga sinabi ni Martin. Hindi siya pwedeng mapahamak dahil sa batang dinadala niya. Kaya ba niyang protektahan ang sarili laban sa Rovert na iyon kung mayaman at maimpluwensiya ito? Wala siyang magagawa dahil wala siyang koneksyon at pera kagaya nito. Paano kung bigla na lang siyang barilin o kaya kid-na-pin?
Umiling siya. Kita ang takot at kaba sa kaniyang mukha, hindi para sa sarili, kung 'di para sa batang nasa kani
