Pagkatapos ng matitinding pangyayari, tumigil ang buong grupo sa safe house ni Blake. Napuno ng tensyon ang bawat sulok ng silid habang pinag-uusapan nila ang susunod na hakbang.
“Allie, sigurado ka bang okay ka na?” tanong ni Blake habang iniabot ang isang baso ng tubig sa dalaga.
“Okay lang ako,” sagot ni Allie, kahit halata sa mga mata niya ang pagod at takot. “Pero hindi tayo pwedeng huminto. Kailangan nating tapusin ito.”
“Hindi magiging madali ang laban na ito,” sabi ni Marcus habang inilalatag ang mapa ng operasyon ni Gerald.
“May mga tauhan siya sa lahat ng dako. Hindi tayo pwedeng basta-basta sumugod.”
“Kung hindi natin ito gagawin ngayon, baka mas maraming madamay,” dagdag ni Blake. Ang boses niya ay puno ng determinasyon.
“Kailangan nating itumba si Gerald bago pa niya magamit ang mga koneksyon niya laban sa atin.”
Habang pinag-aaralan nila ang mga nakuha nilang dokumento, napansin ni Allie ang isang hindi pamilyar na pangalan: Nicolas Ortega.
“Sino si Nicolas Ortega?” tanon
