"LOVE, bakit nga pala nasa party ka kanina?“
Tiningala ni Calley ang nobyo nang itanong niya iyon dahil nagtataka siya kung bakit basta na lang sumulpot ang lalaki sa party nang wala siyang kaalam-alam. Kitang-kita ni Calley na rumehistro sa gwapong mukha ng kanyang nobyo ang iritasyon. Nakahiga sila ni Zack sa malambot na kama ng mga oras na iyon at nakaunan siya sa mga matitipunong braso nito. Kapwa sila hubad at pawang dinadama ang init at pawisang katawan ng isa't-isa sa ilalim ng makapal na comforter. Tila hindi alintana ng kanilang mga katawan ang lamig kahit fully air-conditioned naman ang naturang kwarto.
"Because Mr. Montemayor invited me as a special guest for that celebration," sagot naman nitong diretso ang tingin sa kisama. Halatang inis pa rin ito sa nangyari kanina.
Niyakap ni Calley nang mahigpit ang nobyo at saka mas lalo pang sumiksik sa matipunong katawan nito. "I'm sorry love, hindi ko alam. Dapat sinabi mo sa'kin," hinging-paumanhin niya sa nobyo. Hindi niya gust
