HAILEY ROMESHELL...
Masaya silang naghapunan na apat. Nakilala n'ya na rin ang daddy ni Henry na kakarating lang galing sa opisina. Kamukhang-kamukha ito ni Henry. Parang sila lang ng daddy n'ya at ng mga kapatid.
Napaisip tuloy s'ya kung sila ni Henry magkakaanak kanino kaya kamukha? Siguro kay Henry rin, madalas naman kasi kamukha ng mga tatay ang anak ay minsan lang naging kamukha ng nanay.
Pero ok lang naman sa kan'ya kahit sino ang kamukha basta ang importanti malusog lang ang baby at hindi sakitin.
Sa isiping iyon ay biglang nag-init ang kan'yang pisngi. Nasa harap sila ng pagkain pero kung saan-saan napupunta ang pag-iisip n'ya.
"Hailey kumain ka ng marami. Damihan mo ang kaldo para anak n'yo ay gwapo," pilyang sabi ng mama ni Henry na ikinatawa n'ya at ng asawa nito.
"Mom huwag mo ngang turuan si bubuwit ng kung ano-anong mga kalokohan!" sita ni Henry sa ina ngunit tinaasan lamang ito ng kilay ng ginang.
"Bakit kalokohan ba yan? Pinapakain ko nga ng marami eh!" katwiran nito n
