CHAPTER 20
“ No, hindi puwede, “ may awtoridad na sagot ni Sebastian na nasa kabilang linya sa pagpapaalam ni Estrella tungkol sa pagpunta sa bar.
“ Sige...” ani Estrella, nilingon ang kapatid niyang naghihintay sa likuran niya. “ Hindi talaga puwede ate. Ayaw ni Sebastian. “
“ Why not? “ tanong ni Estrellita, nakasimangot nang hablutin kay Estrella ang cellphone para siya ang kumausap sa lalaki. “ Hello, Sebastian? Si Estrellita ‘to. Payagan mong sumama ang asawa mo dahil kasama naman niya ako. Minsan lang siya lalabas kaya pagbigyan mo na kami. “
“ Papayag akong sumama siya sa’yo pero hindi sa bar, “ anito na lalong nagpabusangot sa mukha ni Estrellita.
“ Why nga? Wala ka bang tiwala sa asawa mo? Iniisip mo bang manlalalake siya kapag nag bar? “ Inis na tanong ni Estrellita, hindi pinansin si Estrella sa harap niya na kanina pa sumesenyas sa kaniya. Napabuga ng hangin si Estrellita upang ikalma ang sarili dahil baka mas lalong hindi payagan ang kapatid niya. “ Saglit lang kami
