AUDREY
Isang araw na lang ang bibilangin at sa wakas ay darating na ang magaling kong boss sa wakas! Masyadong madugo ang iniwan niya sa akin na trabaho, minsan iniisip ko parang nanadya ang tadhana eh, kung kailan wala si bossing saka naman nag-datingan ang mga sunud-sunod na problema kaya minsan dito na ako sa kompanya natutulog. May gabi pa na halos mangiyak-ngiyak na ako dahil hindi ko alam kung ano ang gagawin ko at halos isumpa ko na lang si bossing kung nasaan man siya.
"Audrey, kaya pa?" tanong sa akin ni Sir Louis habang naka-tayo sa harapan ko na may dala-dalang folder para i-rereview ko ang proposal ng Lanser Shipping Line. Isa rin ito, siya ang bise-presidente ng kompanya kaya dinadamay ko siya sa stress na aking nararamdaman ngayon. Hindi pwedeng ako lang at saka isa lamang akong secretary ng kaibigan niya.
Ngumiti ako sa kaniya ng hilaw. "Oo naman I am not Audrey Santos for nothing," sabi ko sa kaniya saka hinawi pa ang buhok ko a
