Next:
“Hinahanap ko po si Fredrick…” mahina at puno ng respeto na sabi ni Everest nang makapasok sa loob ng malaking mansyon. Nakaupo at tila naghihintay roon ang dalawang matandang babae at lalaki na sa hinuha niya ay lolo at lola ni Fredrick ayon na rin sa postura ng mga ito. Inihatid lang siya ni Nolan at agad na rin itong umalis.
“Ikaw ba si Everest? Ang gustong maging asawa ng apo ko?”
Nagulat si Everest sa diretsang tanong ng lola ni Fredrick pero nang iminuwestra nito na umupo siya sa sofa ay masunurin siyang umupo. Nang masiguro na pamilya nga ito ni Fredrick ay lalo pang naging magalang si Everest para naman hindi iba ang impresyon ng mga ito sa kanya.
“Magandang araw po sa inyo, lo, la,” magalang na bati niya.
“Alam kong ikaw ang magiging asawa ng apo ko pero kailan man ay hindi ka pa nababanggit sa akin ng apo ko. Paano kayo nagkakilalang dalawa?”
Agad na tinamaan ng nerbyos si Everest sa tanong na iyon ng lola ni Fredrick. Mabilis na umandar ang isip niya sa kung ano a
