AXECEL
Nag volunter ako na magbantay kay Top sa hospital dahil umalis ang kuya nito. Umalis din sina Mariam at Gelo para bumili ng makakain para sa hapunan.
Napabuntong hininga nalang ako nang lumapit ako sa kama ni Top, at naupo sa bakanteng silya.
"Tignan mo nangyari sa 'yo puro sugat ang katawan mo ngayon."
Alam kong hindi niya ako naririnig dahil mahimbing ang tulog niya. Sabi ni Kuya Chris, mataas raw ang dosage ng gamit na binigay ng doktor sa kanya kaya hindi siya agad-agad magigising.
"Hinabilin ka sa akin ng kapatid mo kaya magpakabait ka ngayon. Matulog ka ng mahimbing diyan."
Bandang alas-siete ng gabi nakabalik sina Gelo at Mariam na maraming bitbit na pagkain.
"Magmu-mukbang ba kayo, at bakit ang dami naman pagkain iyan?"
"Nakakaganang kumain kapag maraming pagkain, saka para na rin magising si Top. Pampagising ang mga ito." Tatawa-tawa na sabi ni Mariam.
"Akel, halika na kumain ka na rin. Sumabay ka na sa amin. Hindi na tatakbo ang isang iyan dahil nakabenda ang katawa
