DANIEL POV
"Hindi pwede! Uuwi tayo ng bahay dahil hindi ka pwedeng mapagod!" pangalawang araw ni Anyana dito sa hospital at kakarating ko lang para sunduin sila pauwi ng bahay nang ito kaagad ang narinig ko pagbungad pa lang sa pintuan ng kwarto.
Si Anyana, nakaupo sa kama habang nakayuko samantalang si Jeneva naman ay nakapamaywang sa harap niya at nakaduro sa anak ko. Kaagad namang napakunot ang noo ko dahil sa nasaksihan.
"Gusto ko lang naman po makapunta sa amusement park! Hindi naman po ako magra-ride Mommy!" narinig kong bigkas ni Anyana. Halata sa boses nito ang takot habang sinasabi ang katagang iyun kay Jeneva.
"Hindi nga pwede! Bakit ba ang tigas ng ulo mo? Gusto mo na bang mamatay? Alam mo naman siguro kung ano ang kondisyon mo diba? Anyana, pagod na ako sa kakabantay sa iyo dito sa hospital kaya utang na loob! Huwag matigas ang ulo mo kung ayaw mong makatikim sa akin!" galit na bulyaw ni Jeneva na labis kong ikinagulat.
Wala akong kamalay-malay na ganito pala an
