KABANATA 61
Fiancee niya yun e, dapat lang na unahin niya.
Naibulong ko na lang habang itinutulak na ni Doc Gino ang wheel chair papunta sa garden ng hospital. Pagkalabas pa lang namin ng pinto at nakalanghap ng sariwang hangin ay napangiti na lang ako.
Namiss ko yung ganito, yung makalabas labas man lang. Kahit nung nasa condo ako ni Colton ay lumalabas ako papunta sa mga mall para mag-ikot ikot. Kaya nagugulat na lang ako na may biglang tumatawag ng pangalan ko.
Magkakilala pala talaga kami, sadyang nakalimutan ko lang sila kaya hindi ko nakilala. Hanggang ngayon ay pilit kong iniisip kung paano ako nawalan ng alaala, kung aksidente ba o ano. Pero walang sagot na naibibigay ang isip ko.
“Ang layo naman ng iniisip mo, Fily,” natatawang saad ni Doc Gino. Napatingin tuloy ako sa kanyang nasa harapan ko na pala.
“Ay, kanina pa ba ako nakatulala Doc?” nakangiwing tanong ko pero marahan lang siyang tumawa at ginulo ang buhok ko.
“Anong iniisip mo? Akala ko ba gusto mo magpahangin at
