“Pero ingatan mo rin ang sarili mo, okay? Kung gusto mong alagaan si Lance, dapat malakas ka both physically and emotionally,” payo pa niya. Ako naman ang tumango ngayon sa kaniya.
“Sige, aalis na kami. Kumain ka rin sa tamang oras,” dagdag paalala ni Terrence. Akmang yayakap din siya sa akin pero mabilis na humarang si Darwin na pareho naming ikinagulat. Pero tinawanan na lamang iyon ni Terrence at lumakad na paalis kasama si Leah. Kumaway pa sila sa amin kaya ngumiti na lang ako pabalik.
Nang wala na sila sa paningin namin ay hinarap ko si Darwin.
“Bakit ang sungit mo yata lalo ngayon? Ilang araw ka nang bad mood, ah!” paninita ko sa kaniya. Paiwas itong umirap.
“Eh, bakit nagpapahawak ka sa lalaking iyon?” maangas na tanong niya. Napamaang ako habang hinuhuli ang mga mata niyang mailap at ayaw tumingin sa akin ng diretso.
“He was just concerned about me. Wala naman sigurong masama roon kasi magkaibigan naman kami ni Terrence,” may inis na sagot ko. Dahil sa tono ko ay napilitan siy
