Tatlong buwan na ang nakakaraan simula ng tumalikod ako sa kasal namin ni Senyor Roberto. Umuwi lang ako sa El Leon ng isang araw at pagkatapos noon ay naglagi na ako sa dati naming bahay- sa bahay ni Manang Inday. Ang tanging nakakaalam lamang kung nasaan ako ay si Mama Baby, Tita Crisanta, Ms. Anna at si Julia dahil magkasama kaming dalawa pati ang anak niya.
Noong hapon ng araw ng kasal ko ay tinawagan ako ni Julia. Naghahanap din eto ng lugar na mapagtataguan nila ni Jude. Buntis na naman eto at ang nakabuntis sa kanya ay walang iba kundi si Johnson. Hindi pa alam ni Johnson na buntis siya dahil bumalik eto ng Amerika at may inasikaso lamang. Isang linggo pag-alis nito ay dumating naman ang girlfriend ni Johnson na isa ring Filipino-American at nag eskandalo sa harap bahay nila. Kung ano ano ang sinabi kay Julia at ang pinakamasakit pa sa lahat ay may pinakita etong picture na naghahalikan sila sa Mommy at Daddy niya. Nagalit at dinamdam iyon ni Julia dahil akala niya ay may pagt
