EXOTIC GIRL 78

“Kung pinapanoond mo eto Rodolfo, ibig sabihin ay patay na ako. Ang una kong sasabihin sayo ay PATAWAD. Patawad dahil hindi ako naging totoong ama sa'yo. Patawad dahil ngayon mo lang malalaman ang totoong kuwento tungkol sa pagkamatay ng Mama mo. Patawad dahil naging duwag ako. Totoo, ako ang nakapatay sa Mama mo. Limang taon ka pa lamang noon ng dinala ka niya sa Abu Dhabi para magbakasyon dahil gusto kang makita ng Lola mo. Isang taon ang usapan namin na doon ka muna sa Lola mo at tatlong buwan lamang ang Mama mo doon at babalik din dito. Sa loob ng tatlong buwan na 'yon maraming nangyari. Pagkaalis ninyo, ang kaibigan ng Mama mo- si Carmina ay nilasing ako ng pumunta dito sa mansiyon. May nangyari sa aming dalawa. Palagi na siyang pumupunta dito dati pa at lagi na niya akong inaakit noon pa dahil kaibigan siya ng Mama mo. Hindi ko siya pinatulan dahil tanging ang Mama mo lang ang minahal ko. Pagkatapos ng isang beses na nangyari sa amin ay nabuntis ko si Carmina. Hindi ko eto matan