IPINAPAGPAG ni Elorda ang unan na nilagyan niya ng bagong punda. Nakalatag na rin sa semento ang higaan ni Jav.
"Gusto mo ba sa kama? Ako na lang dito sa ibaba. Kahit saan naman, sanay ako. Pasensiya ka na wala akong mapahiram na damit sa'yo. Walang lalaki dito sa bahay. Ewan ko kung kakasya ang mga damit ko sa'yo," alok ni Elorda habang inilalagay ang dalawang unan sa kama, kasama ang isang kumot.
Napatingin si Jav sa sapin sa sahig. "Bakit pa kasi kailangan pa nating maghiwalay ng higaan? Puwede naman tayong magsama sa kama. Hindi naman ako malikot matulog. Saka, hindi kita hahayaan na mahulog. Sa akin, puwedeng-puwede."
Napamangot si Elorda. Ang taas ng confidence, nasabi niya sa sarili. Grabe ‘to, parang siguradong-sigurado na mahuhulog ako.
"Eh hindi ba, Elorda? I-deny mo pa na nahuhulog ka na..." panunukso pa ng isip niya.
Napairap siya, kumibot ang labi at napataas ang kilay.
"Ano na naman 'yang iniisip mo?" tanong ni Jav, nakakunot ang noo habang pinagmamasdan ang
