Zain POV
Hinintay ko lang na makaayat si Tahlia, pero may iba pa rin akong plano. Hindi ko naman talaga trip ang cake at kape, lalo na’t gutom pa ako. Ang kailangan ko ngayon ay mainit at masarap na pagkain na tatama sa sikmura ko. Kaya naisip kong magluto na lang.
Sa halip na bumili sa labas, nagdesisyon akong gumawa ng lugaw. Madali lang naman iyon at mas gusto kong malasahan ang sarili kong luto.
Agad akong pumunta sa kusina at hinanda ang mga sangkap na kailangan ko.
Bigas, luya, bawang, sibuyas at chicken broth na nakuha ko sa refrigerator. Pinainit ko ang isang kaldero, pinirito nang bahagya ang luya, bawang, at sibuyas hanggang sa lumabas ang bango ng mga ito bago ko inilagay ang hugas na bigas. Isang mabilis na halo at saka ko ibinuhos ang chicken broth. Habang hinihintay kong lumambot ang bigas, sinimulan ko na rin ang sahog.
Sa isang kawali, niluto ko ang tofu at gusto ko lang ay pinirito hanggang sa maging golden brown bago ko inalis sa mantika at pinatulo sa paper towel pa
