Araw-araw niyang nakikita si Mrs. del Espania para personal na masuri ang mga gawa ng designers. Gustung-gusto niya naman iyon dahil laging nakabuntot dito ang apo nitong si Clyde. Alam niyang nag-aalala ang lalaki dahil nabalitaan niyang mahigpit na ipinagbabawal ng doktor na mapagod masyado ang lola nito. Nakikita rin niya si Kyle paminsan-minsan pero todo iwas talaga siya sa lalaki dahil alam niyang pagtatawanan pa rin siya nito dahil sa video na na-send niya nang hindi sinasadya rito.
Ipinagpasalamat din niya ang presensiya ng pinaka-boss nila dahil hindi masyadong naghahasik ng lagim si Zara. Hindi niya ito naririnig na nambubulyaw kapag nasa paligid si Mrs. del Espania. Umiikot-ikot pa rin siya sa mga designers at models para tanungin kung ano ang mga kailangan nila. Siya rin ang nakatokang mamigay ng mga meryenda ng mga iyon.
Nakangiting inabot niya kay Venus ang meryenda nito. Kasalukuyan itong sinusukatan ng isang designer.
" Thanks, but no. Bawal sa ak
