Kahit alas kwatro ng hapon ang usapan nila ni Venus na pumunta siya sa bahay nito ay nasa labas na siya ng bahay ng babae at pumipindot na ng door bell kahit alas dos pa lang ng hapon. Ipinagbilin na siya nito sa katulong dahil umaga pa lang ay umalis na ito para sa final rehearsal ng mga models.
Agad na lumabas ang bata pang katulong at pinapasok na siya nang tanungin ang pangalan niya. Pinapasok siya nito sa loob at pinaupo na muna sa sala. Hapon daw kasi darating doon ang make-up artist na kaibigan ni Venus na siyang mag-aayos sa kanya.
Habang patingin-tingin siya sa loob ng bahay ng kaibigang model ay bumalik uli ang katulong sa sala.
" Maam Natasha, nasa loob daw po ng kwarto ni Maam Venus ang gown. Baka gusto ninyo raw pong tingnan. Samahan ko na kayo doon."
Tumahip bigla ang dibdib niya sa sobrang excitement. Tumayo na siya at nginitian ang katulong saka sumunod na rito. Umakyat nga sila sa taas kung saan naroon ang malaking kwarto ni Venus. Nakita
