Lumapit ito sa kanya habang nasa kamay pa rin ang mga bagay na nagpapatunay na siya nga si Mysterious Woman. Sinalubong niya ang tingin ni Kyle at kahit wala pa siyang inamin ay mababasa na sa klase ng tingin niya ang sagot.
" Why didn't you tell me?"
" H-hindi ko alam. Siguro natatakot akong itama ang ilusyon mo na isang magandang babae si Mysterious woman," kinumpirma na ng sagot niya ang tanong nito kanina.
" And that confession was supposed to be for Clyde," mapaklang napatawa pa ito nang ma-realize iyon.
Hindi uli siya nakaimik dahil totoo naman iyon... nu'ng gabing umamin siya. Aminado siyang kay Clyde pa siya hibang na hibang noon. Iba naman ang nararamdaman niya kay Kyle ngayon. Hindi ito isang kahibangan lang, mas malalim at hindi isang matinding obsesyon gaya ng naramdaman niya kay Clyde dati. Gusto niya sanang sabihin iyon kay Kyle pero hindi niya alam kung paano.
" Wow... pinagtatawanan mo siguro ako nu'ng mga panahong atat na atat akon
